روح القصيـــد @roh_alksyd_3

محررة برونزية

الفترة إلي بين الملجة والعرس ؟؟

السلام عليكم ورحمة الله وبركاته

بنات ابغي رايكم في موضوع حييل متخوفه منه
هو فترة الملكة ( وعقد القران ) اذا كانت طويلة
6 شهور إلى 7 إلى وقت العرس
يعني مثلن إلي تملك شهر 9 وتعرس شهر 3
لاتنسون هالفتره 6 او 7 شهور
يكون مو خطيب
يكون زوج يعني يتكلم معاي في الجوال
يجيني البيت زيارات على اقل مره او مرتين في الاسبوع
انا للحين ماملكت بسبب خوفي من هاشي
:( شو الحل بنات .. بيني وبينكم أصلن انا ماعرف اتصرف مع الرجال ؟
ولا اعرف كيف اكلمه وطريقة التعامل
واخاف من الفتره الطويله اخاف تستوي مشاكل ويبيعني فيها الرجال مايشيل هم شي كثر البنت وسمعتها
لان مو من الأهل غريب عن العايله ولكن رجال ونعم فيه وشاريني
لكن بعد خايفه من المده الطويله وخصوصن ان ماعندي خوات اكبر عني
ومن النوع الخجول ماتكلم مع اميي واصارحها بأي شي كتومه
شوروا علييه
وادعوالي ان الله يتمم عليه على خير زواجي وخطبتي والفحص يكون سليم
:( دعواتكم يالطيبات وشوركم

يلزم عليك تسجيل الدخول أولًا لكتابة تعليق.

تسجيل دخول

شيخة بنت الشيخ • 15 سنة

انا اشوف اكثر شئ 4 شهور
اكثر من كذا مو زين
ولومنك اقلل المكالماااااااات عالاقل اليين مايقرب زواجك
لان دايم لما تكون فترة الملكة طويله تكثر المشاكل
وحتى الزيارات لايكثرها
ربي يوفقك وتطلع نتايج التحليل سليمه

أهون عليك..!! • 15 سنة

نصيحتي لك لاتكلمينه

نملة1166 • 15 سنة

الله يوفقك ويتمم لك على خير

ما عندي خبرة..ان شاءالله يفيدونك الحريم
حبيت ادعي لك بس:)

ToTy-FrOTy • 15 سنة

حبيتي الله يوفقك ان شاء الله....
بس مادامك مالكة (عقد القران ) انتي زوجته شرعا يجوز يكلمك ويشوفك وغير كذا المجتمع فارضه علينا...
ومااعرف هل انت يمديكي تقولي لولد الحلال يللا نتجوز؟؟؟؟ احنا صراحة مو من عاداتنا انه ننحدد للعريس متى يأخذك عش الزوجية نسيبه براحته يأثث بيته ويضبط نفسه...
وبالنسبة للمدة لاتخافي منها انا قعدت 9 شهور مالكة واختي قعدت 13 شهر ودحين هي في شهر العسل ... وعقبالك ياعروسة...
ولاتشيلي نفسك هم عيشي واتمتعي بهذي الفترة لانها ماتنعاد...
والله يسعدك ويوفقك يارب..

تكرونيه شقراء • 15 سنة

بالعكس فتره الملكه حلوه وتتعرفون بعض وتقلل من هيبه يوم الزواج
وما شوف 6 شهور كثيره