الفتق

شوفي عزيزتي انا ولدي توه عمره ثلاث شهور سويت له عملية الفتاق وهو عمره اسبوعين ومع العمليه سويت الطهور مره وحده وبعدها باسبوع اكتشفت ان الجهه اليسار فيها فتاق برضه وصرت انا بحاله انا وابوه ونقول الولد صغير على العمليات ذي فلما سالنا ولفينا على دكاتره مختصين بجراحة الاطفال قالو انه عشره بالميه اللي طلع له بجهه بيطلع بالثانيه بعد فتره وهذا مو شرط وقالو يحتاج له عمليه ثانيه وسويت له العمليه وهو عمره شهر واسبوع وانا بالنسبه لي في العمليتين ما قدرت اترك اللصقه وهي ملوثه الله يكرمك بالبول فشلتها واخذت له لصق من الصيدليه وكنت اغير له؛ بالنسبه للغسيل والله من بعد يومين اغسل له بس كنت حريصه اني انشف المنطقه مره تمااااااام واحط لصقه نظيفه وبعد اسبوع شلت اللصقه وصرت احط كريم لدمل الجروح عشان يتعقم الجرح ويندمل بسرعه بس احرصي على النظافه والجفاف عشان الالتهابات ولا تخافين ترا جرح الطفل غير جرح الكبير ولا يحس فيه الا بعد العمليه بوجع خفيف .

ملاحظه: عملية ولدي مو في نفس الخصيه نفسها
عمليته في الحالب اللي هي المنطقه اللي نسوي فيها القيصريه بالضبط..مره باليمن ومره باليسار
اسفه على الاطاله بس حبيت اشرح لك تجربتي لاني عارفه مقدار القلق اللي انتي حاسه فيه

وانشالله يشفي لك ولدك ويقومه لك بالسلامه وتشوفيه عريس ياااارب