الفتور الجنسي بين الزوجين

السلام عليكم اخواتي،،

انا طالبة منكم المساعدة في موضوع مهم وااايد وكثير من المتزوجات يعانون منه ويخافون انه بسببه ازواجهم يتزوجون عليهم،، الموضوع هو الفتور الجنسي بين الزوجين، انا عندي صديقة تعاني من هالمشكلة وهي محتارة شو اتسوي، هي من النوع اللي يستحس اشوي وريلها واحد زين وخلوق ويعاملها عدل بس هي اتشوف ان هو ما ايكون متلهف ان يمارس الجنس معها، يعني مو فارقة معاه اذا مارسوا ولا لا، وساعات هي اللي تكون بادية ويكمل معاها يعني يتجاوب معاها بس بعدين نا يرد هو يبدا وهي تستحي انها تكون دايما هيه البادئة.. هي محتارة ووايد تعاني من هالمشكلة وريلها ما شاءالله عليه مو من النوع اللي ايطالع البنات او راعي سهرات بالعكس كله في البيت معاها ويحبها بعد...

ممكن يا بنات اتشاوروني عشان انساعدها من تجاربكم وخبراتكم.. والله يجزيكم كل خير