اوعى تقومى تصلى الفجر ومتصحيش ولادك
او أوعى تقولى أنا مشفقة عليهم من السقعة والبرد ولما يقوموا يبقوا يصلوا
اوعى تعودى ولادك إن صلاة الفجر بتتصلى وقت ما يصحوا من النوم على راحتهم
انت عارفة كده أنت بتعملى إيه ؟
أنت بتقللى البركة من حياتهم
أنت بتحرميهم من انهم يكونوا فى ذمة الله
أنت بتحرميهم من أجمل وقت يقوموا فيه يجدد فيه نشاطهم وخلاياهم ويوسع الرئة عندهم ويزود تركيزهم
اوعى تفهميهم إن المدرسة أهم من صلاة الفجر
والامتحان لازم تقوم لو حتى فى برق ورعد والدنيا بتمطر حجر هتقوم علشان الامتحان
✋✋ إستوووووووب امتحان الآخرة أهم ياأختى وياأمى ويابنتى
هو ده الامتحان اللى لازم يقوم علشانه
هو ده الأهم
هو ده اللى هيدعيلك يوم القيامة ويقولك يارب ينجيكى ياأمى علشان انتى مضيعتنيش
اوعوا تخلوا حبكوا لولادكوا يضيعهم
...ام كانت بتسأل شيخ وتقولوا ..ابنى صعب جدا ف الصحيان ونومه ثقيل ومبعرفش اصحيه يصلى الفجر ومش عارفة اعمل ايه ؟

قالها :
( هو لو فى نار مسكت ف السرير وابنك نايم وهيتحرق هتعملى إيه علشان تصحيه ؟
قالتلوا طبعا هشيلوا شيل وهعمل المستحيل علشان يصحى
قالها نار الآخرة أشد ( نار الآخرة أشد ياأختى )
اوعى تكونى سبب فى عذاب ابنك او بنتك يوم القيامة
خليكى حريصة عليهم وزى مابتقومى تصلى الفجر قوميهم وخليه معاد ثابت فى حياتكوا
عرفيه ان دا فرض زي اي فرض ولازم نصليه ف معاده
زى كده لما بيصحوا بدرى ومستعدين لو طالعين رحلة أو مصيف
اجعلى أمور الآخرة دائما أهم
ولو مش قادره على ابنك او بنتك استعينى بالله
وقوليله يارب والله انا حريصة إنه يقوم يصلى بس انا مش قادرة عليه يارب انت اللى قادر تخليه يقدر يقوم من السرير وينفض غطاه ولو أقبلتى على الله بقلبك بالدعاء مش هتلاقى صعوبه ف صحيان ولادك إن شاء الله
وربنا يبارك فى أولاد المسلمين ويجعلهم هداة مهتدين ويجعلهم من الصالحين ويفتح عليهم فتوح العارفين


مــنــــقـــــ👆🏻👆🏻ـــــــول
ــــــــــــــــــــــــــــــــــــــــــــــــــــــــــــــــــ
جروبات *واحة التربية*
*لتربي طفلك تربية إسلامية*

للدخول ف الجروب فقط ارسل إسمك الشخصي👇🏻
https://wa.me/0201119084282

*نحلل* *نشر* *البوست* *كما هو* *بدون حذف* *الرابط* *أو التعديل في البوست لاستفادة الآخرين بمجموعاتنا*