الفرااااغ العاطفي راح يدمرني بس من يحس فيني

مرحبا بنات احلى عالم
اولا انا اشكر العضوه اخت شروخان لانها سمحتلي اخذ معرفها واطرح مشكلتي
انامتزوجه من عشر سنين كان عمري 18 تزوجت زواج تقليدي يعني ماشفت زوجي الا بليله الدخله
هواكبر مني بسبع سنين يعني انا من ايام الطيبين
مشكلتي اني احبببببه حيل ومااقدر استغنى عنه
هو انسان هادئ وطييييييوب جدا
تقولولي وين المشكله ?
يعااااالم انا نفسي اعيشالحب ابي انسان يوريني الحب
ماااأنكر ان زوجي يحبني بس والله ماشوف من هالحب شي
دايما بره ودايما ساكت واذا جا عندي بس ماسك الجوال
مع اني اذكره وارسله واعلمه باحساسي
لاكن لاحياه لمن تنادي
انا دااااخلي فرااااغ عاطفي كبير
نفسي يفاجاني بهديه لو ورده من الشارع
ابي واحد يسالني ويتطمن على اخباري
تخيلو خواتي متزوجات والله العظيم ان جوالهن مايسكت
كل شوي رساله او يدقون عليهم يتطمنون وانا ابد ماااايدق ابد
والله اني ناسيه اخر رساله منه تخيلو جوالي فاضي. والله تعبت صرت اتمنى احد يدق على جوالي بالغلط واسولف معه بس اخاف من ربي كثيييير والله ان مره واحد قعد يرسل رسايل
حب بالغلط لجوالي مرتين والله اني قعدت اسبوع انتضره ادري تقولون عني مجنونه بس
شسوي ابي احس اني انثى والله انا ماني جداااار
مشكلتي اني رومنسيه حاولت معه وسويت المستحيل من ليالي وغيره.
وافضيله الجو واعزمه لاكن مافي فايده مدري فيه احد زيي
خواتي اكبر مني الى الان يحتفلون بعيد زواجهم
وانا ابد مافيه حتى اذا ركبنا السياره لو سفر يقعد ساااكن كل الطريق والله تخنقني العبره على حالي احيانا افكر بالطلاق واتعوذ من بليس افكر بعيالي
يعاااالم افهموني انا اتمنى اني اعود نفسي بس عجزت انا حيل عاطفيه واحب الرومنسيه
بنات بالله ردو من غير تجريح علي الدوره واخلاقي زفت وماني ناقصه
انابس حبين افضفض ادعولي ربي يحنن قلبه علي والله تعبت احس اني عايشه بروحي
حتى جيران ماعندي