الفرفوشيات وإلي يحبوا الضحك (خاصة مع أزواجهم ) يدخلوا

هلا
ياقلبي اصلن التطنيش مايجي كذا يبيله تدريب ومئات المحاولات وعلب المناديل الين تملين وبعدكذا يجي التفكير اللي هو اذا انا ماهميته واتصل علي ليش اهتم وادوره بس بجد ترا كلنا نطنش فتره بعدين نرجع ندوره ياحبيلك تبين ادرسك تعالي لي خخخخخخخخخخ

انا مثلك حبيبتي
واذا حاولت ابين ان الوضع عادي ارجع اقوله ليه وليه لين تصيرمشكله بعدين اندم
لكن انا اقولك على حل
ظبطي نفسك وبيتك يعني سوي لك جو رومانسي واذا جاء هو طبيعي بيتفاجا وحتى لو بديت تسالينه و وتناقشينه حيتقبل منك بعكس لما يجي ووجهك مقلوب ومتضايقه وحالتكي حاله وقتها مايتقبل منك ولا شي وممكن يرد عليكي رد جارح وتصير مشكله
ترى في البدايه تحسينها صعبه وامكن تقولين انا متضايقه وزعلانه ومو وقته للرومانسيات لكن بتتعودين وبتنحل المشكله بسرعه خصوصا انه هو راح يتقبل
حتى لو زعلانه راح يراضيكي
وقوليله انا متجهزه لك من اليوم وافكر فيك وانت مطنشني
والله يسعدك في حياتك

حبيباتي أنا أحس أن التطنيش الزايد والمستمر منك مايكون في صالحك
ليش؟؟؟؟؟؟؟؟؟
لإن نفس زوجك يمكن يفسر التصرف وردة فعلك بالبرود وعدم الإهتمام به وهذا بالتالي مايخليه يحسب لك حساب في تصرفاته اللي تجي ضدك
أنتم لوتكونون حالة وسط معه لاتتركين الموضوع وتأخذينه ببرود وفي نفس الوقت لاتتكونين حساسة كل شيء يجي منه يزعلك,,,,أوتكونين صاحبة إنفعال شديد تثورين بسرعة في النقاش

وانتم طبعاً أدرى بأزواجكم ....والله يوفق الجميع

انا مشكلتي على طول ازعل.
حتى لو شيء تافهه ومايستاهل ..
بس خلاص انا طبعي كذا زعووولة << الله يعين زوجها
واحب اتدلع عليه واخليه يراضيني حتى لو انا الغلطانه < < مجرمة

انا صاااااااارت لي كثيييييييييير كثيييييييييير

في زواجي السابق

وكنت انقهر واصيح وحالتي صعبه

واكتشفت انه ما يهمهم

الرجال قاسين بصراحه ولا يفكر نفس تفكيرك برومانسيه ومشاعر

ولو كبرتها عطاني ظهره ونام

ماكاني كنت احاتيه ولا شي

واخر شي صرت اطنش واتنظف وانظف بيتي ولا اخلي على نفسي قاصر بشي ابي اسويه

وخاصه اني كنت بغربه بعد

واذا جا وهو شايف البس والريحه وكل شي زين تطير حواجبه

لكن انا اظل مطنشته علشان فعلته وسهره برا البيت ولعب هالبلوت الله يكفيكم شره

وما اكلمه الا اذا سال يعني على قد سؤاله يكون جوابي ولا اخلي عيني تجي في عينه

علشان يعرف اني شايله بخاطري ولو سألني فيك شي اقول سلامتك

وهو هنا يفهمها ويحاول يرضي

وانا ما اطول زعلانه ارضى بشرط اقوله ماتكررها (( دايم يكررها والاكشن ينعاد مليون مره ))

وارضى واضحك ماكانه صار شي

يعني ما اوضح له انه سبب في اني اكتئب

وآكل وكل شي اسويه وهو فيه

واذكر مره اخوي كان موجود

وانا متزاعله انا وطليقي

فقال طليقي تبين معنا عشا طبعا انا منتفخه فقلت لا مابي عشى

لما طلع قالي اخوي اسمحي لي انتي غبيه

كان قلتي ايه ابي واطلبي بعد شي معين في نفسك

علشان ما يحس انه اكبر همك وانك زعلانه علشانه

وخاصه اذا كان هو المخطي

ادري كثرت الكلام لكن لا اتعبين نفسك واعصابك ويجيك السكر وهو مادرى عنك واخرتها لو بدت فيك الامراض ماراح يشوف لمعروفك

انتبهي لنفسك حبيبتي بحيث ما تهملين فيه

كل شي له حدود ومع الوقت راح تتعودين

ودمتي