سلام عليكم خواتي،،
الفتره الاخيرة لاحظت كثرت الخلطات اللي فيها السدر
وفيه بعض البنات يستخدمونه بدال الحنه بحجه انه مايصبغ الشعر مثل الحنه!!!
الحنه غيـــــــر والسدر غيــر
بنات انا اعرف وحده يمنيه وشعرها ليين الركب ويضرب فيه المثل
سالتها البارحه عن السدر قالت السدر يستخدمونه لغسل الشعر او كماسك للجسم والوجه ..
قلتلها انزين وايد بنات يستخدمون مع الخلطات قالت لالالالالا غلط هالشي وترا يقصف الشعر لان السدر معروف يجفف الشعر..
وافرضي حطيتيه في شعرج ويوم تنشف الخلطه راح يكون للشعر قابليه انه يتكسر بعد ويتقصف .. والمفروض يستخدمونه وقت الغسل .......
يعني مثلا .. سويتي اي خلطه لشعرج .. او مثلا حطيتي حنه...
حطي شويه من الشامبو اللي تستخدمينه بس عشان تنظفين شعرج من الخلطه ..
وبعدين اتجهزين السدر + الماء فقط ويشترط انه مايكون غليظ .. يعني خفيف شويه ..
لان السدر معروف لو حطيتي شويه يطلع لج اكثر عن الكميه اللي حطيتي ..
تخلينها على شعرج دقيقتين او ثلاث دقايق وتغسلين بشويه من الشامبو مره ثانيه ......
وقالت لي المفروض اتسوينه كل اسبوع وصدقيني شعرج بيطوول ...ويخفف التساقط ويغلظ الشعر :)
وقالت لي الحنه ماتجفف الشعر كثر السدر عشان جيه لو حطيتي الحنه اكثر عن ساعه مامنه ضرر ان شاء الله بس انتبهي تنامين فيه لان بعضهم رقبهم تتعب ..
والحنا معروف انه يبرد الراس ويغلظ الشعر و يغذيه :)
دعواااااااتكم:26:
الفرق بين استخدام السدر والحنه من وحده يمنيه شعرها واصل لركبها\ اكتفى من الردود
89
133K
هذا الموضوع مغلق.
الفجر20
•
يعطيك العافية
اللة يعطيك العافية على المعلوووومات المفيدة
كيف طريقة استخدام السدر الطريقة افيديني
كيف طريقة استخدام السدر الطريقة افيديني
الصفحة الأخيرة