الفرق بين الطلق الطبيعي والطلق الصناعي (تحميله) بالنسبه لي

السلام عليكم ورحمة الله وبركاته
اخباركم حبايب قلبي :26:
بما اني جربت الولاده بتحميله الطلق الصناعي و الولاده طبيعي ولو اني خبرتي قليله في هذا الشي
انا عندي ولدي الحمدلله رب العالمين لاحول لواقوة الا بالله
الله يخليهم لي ويخلي هم وابوهم ويخلي لكم كل غالي عليكم
مو كني طولتها وهي قصيره خخخخخخ
المهم في ولادتي الاولى يعني ببكري اخذت من التاسع اسبوعين وتوقف عن الحركه يوم كامل
رحت للاسعاف وقالوا لي تنويم طبعا ماوراي شي وعلى شان افتك من الطبخ والنفخ وافقت اتنوم هههههههههه
سوو لي اشاعه مستعجله مدتها ساعه وماتحرك برضو
المهم حددوا لي ولاده بكره الظهر
قبل لاادخل غرفة الطلق لاحظت نزول مويه خفيفه لونها اخضر على اسود كرمتوا
لما شافها الدكتور قال لازم تولدين بسرعه لان هذا دليل ان الجنين متبرز في بطنك واذا شرب من المويه يجيه تسمم
دخلت غرفة الطلق كانوا بيعطوني طلق عن طريق الوريد جلست اصيح ماابيه :(
المهم اعطاني الدكتور التحميله وبما اني بكريه فطول وقت ولادتي
من اخذت التحميله الى وقت الولاده ساعات
بس لاحظوا ان لحمي رقيق جدا على شان كذا ولدت بسرعه الحمدلله لاحول ولاقوة الا بالله

الالم كان محتمل بالنسبه لي ماصرخت نهائيا الحمدلله الا اللهم من شدة الدفع لطلعة الراس صرخت يعني يقالي متحمسه خخخخخخخخخخخ
عندي الم طلعة الراس اهون من الطلق لانه ماياخذ الا دقايق اما الطلق ياخذ سعات ممل
ولادتي كانت بخالد الجامعي بالرياض


ولدي الثاني كان طبيعي وعلى طول غرفة الولاده والظاهر اصلا لمستشفى ماعندهم شي اسمه غرفة طلق ولدت بمدينة الملك فهد الطبي بالرياض
من بداية الطلق الى الولاده كان 4 ساعات وكان الالم نفس الم ولادتي الاولى يعني محتمل بالنسبه لي والناس يختلفون بقوة التحمل واللي ضايقني بالولاده ان القابله ماشقت بسرعه فأتعبني الدفع وكنت خايفه من الولاده فكنت اصارخ خوف اكثر من الم واللي قهرني الدكتوره الباكساتنيه خياطتها مثل الزفت اضطريت اعيد خياطتي بعد 14 يوم


الزبده ان مافيه فرق بين طلق التحميله والطلق الطبيعي
واللي تقول فرق بينهم اقولها ربي كتب لك تتألمين بولادتك اللي فيها الطلق الصناعي عكس الطبيعي مو السبب التحميله
والا كان الكل تألم من التحميله
ماجربت الوريد لكن بكلام 3 من اخواتي انه ينفض نفض على قولتهم كهرب 220 ينفضك من الالم بس تخلصين بسرعه وتفتكين
انا عكس اخواتي مااحب الالم الشديد بس اتحمل الالم الخفيف ولو طول
الحمدلله على العافيه ويارب تأجرنا على تعبنا يارب


بعد ولادتي الثانيه سويت خياطه تجميليه مره وحده بما ان الخياطه خربانه ولي الان شهر واخر غرزه طاحت امس وفرحانه لازم اعلمكم هههههههههه
اتمنى اشوف تعليقاتكم حبايبي