السلام عليكم ورحمة الله وبركاته
الفرق بين قهوة الأمس وقهوة اليوم هو : كيفية قضاء وقت تناول القهوة وليست القهوة نفسها
فبالأمس كانت زيارتنا لأي منا تنحصر في غرض الأنس في مجلسه والحديث والسوالف معه ، وكان يتخللها الانشغال بعمل القهوة أوالشاي بيننا في الوقت الذي نأنس بحديثه وسوالفه وهو يقوم بعمل الشاي منذ اللحظة التي ندخل مع الباب
فنراقب عمله وبعض المرات نعاونه في تقريب شيء مثل البيز أو ملقاط الجمر أو بعض الأعواد والأخشاب ، أو حتى علبة السكر والشاي.
وكل شيء يتم ونحن حضور ، وهو يسعد بالعمل والسوالف ويبدو السرور على وجهه .
يعمل هذا رغم وجود الأهل في البيت وأعني بالأهل كل أفراد العائلة وليس بعضهم ، لكن المجلس خصص لكي يعمل فيه كل ما يلزم الداخل والزائر.
كنا نسعد بهذا جدا ، وبعض الناس اليوم خصص المجلس مثل ما كان بالأمس وبدأ يستغني عن أهل البيت في مثل هذه الزيارات الخفيفة المتكررة .
لكن البعض الآخر لم يستغني وفي الوقت نفسه ينشغل عنا وقت الزيارة بالمراكض رايح جاي .
مرة يجيب القهوة ومرة يوصلها ومرة يجيب الشاي ومرة يوصله وعشر مرات رايح وجاي علشان كليجا أو اقط أو تمر أو حلا
وكل شوي يقول : وش حنا نقول ؟
يعني السوالف مقطوعة بيننا وبينه ، وهو خارج الخدمة
و قبل نهاية الزيارة يمتلئ ما حولنا بالصينيات والطوفريات والبيالات والفناجيل والزمزميات
حتى لو أننا ثلاثة فقط يكون حولنا عشرين طوفرية وعشر صياني .
وفقدنا المهم وهو الحديث المتبادل في هدوء ، بعيدا عن الاهتمام بالأكل أو الشرب خاصة في زماننا هذا الذي في الغالب كل منا متخم وشبعان في بيته .
من هنا أقول أن الغالبية يستانسون في البر أكثر لأنهم يجدون رائحة الأمس وبساطته و راحة السوالف بهدوء .
الملاحظ أننا اليوم نقول لصاحب البيت من كثرة تردده :
خلاص اجلس ما عاد نبي شاهي ولا قهوة
منقول
هذا الرجال كيف الحريم والله نكره المسيار من التكلف ومن المبالغه
وتقولك الوحده انا اهتم بضوفي وادلعهم امحق بس يازين ايام زمان بس
لا ولا الضيفه عيونها طايره بالنجف والمكيف تدور غبار هههههه
ياربي يازين البساطه والتواضع
ومو كل الناس زي بعض والله تجيني صديقتي تغسل معي مواعين الشاي والقهوه ونسولف بالمطبخ الحمدلله والشكر
بناتي حياتي** @bnaty_hyaty_15
عضوة نشيطة
يلزم عليك تسجيل الدخول أولًا لكتابة تعليق.
كل شي قديم وزمان احلى
الا ليت الزمن يرجع ورااااااااااااا ولا الليالي تدور
لا اله الا الله
الا ليت الزمن يرجع ورااااااااااااا ولا الليالي تدور
لا اله الا الله
الصفحة الأخيرة
كذا عيشتنا وقايله لهم من اول زياره زاروني
الي بتتكلف وتحط وتزين ترى انا ما ابيه ولا ابي زيارتها لي
انا انسانه بسيطه احب الجمعه والبساطه ومن تبيني يا هلا فيها وسهلا
تصدقين كلهم صارو يجوني وكلهم يبوني وكلهم يقولون يازين البساطه حتى هم صارو نفس الشي
احيانا جمعتنا تقتصر على شاهي بدون شي بس المقصد الجمعه مو البلعه وكل وحده تطلع مبسوطه ومرتاحه