الفرق بين المجامله والصراحه""""""""""""

والله يا حبيبتي شفت من اجناس الناس اللي ذكرتيهم كثير ناس ماهمها اللي قدامها تجرح بدون ماتراعي احاسيس اللي قدامها ولا ظرفه يعني عندنا صديقه مب فقيره اهلها ناس الله موسع عليهم بس خذت واحد ضروفه على قده وهو ماحب ياخذ لا من اهله ولا من اهلها حب يبني نفسه بنفسه وهي كانت معاه بالحلوه والمره ماتتخيلين كيف عانت ووين عاشت من بعد العز واكل الوز على قولتهم بس عندنا صديقه الله بعد موسع عليها دايمن تعايب عليها وعلى ذوقها !!! وتقولها شو هالبيت شو هالاثاث شو هاللبس !!! مادري بصراحه هاي تسمينها صديقه او ...؟؟؟
وسبحان مغير الاحوال ربي من عليهم وعطاهم واللحين تعيش عيه مب اقل من اي وحده فينا وهي كان سلاحها الدعاء والصبر
خلاصة كلامي بتلقين وايد اختي من هالنوع يعني ناس ماتعرف تسكت او تجامل في الموقف اللي لازم تسكت فيه وما تعرف تتكلم وتقول رايها بصراحه في الموقف اللي لازم تتكلم فيه فهمتي شو اقصد
ويحزني الانسان اللي تعميه الماده ويضن انه احسن من غيره مايدري انه الله امنه على هالمال ومحاسب عليه وانه ربي مثل ماعطاه ممكن باي لحظه ياخذه منه وبالفعل احس بالحزن عليهم لاني احس ان ربي يمهلهم بس بيجي يوم يحاسبهم وياخذ منهم هالنعمه اللي مايشوفون غيرها مايدرون ان ربي قال ( وان شكرتم لأزيدنكم )

الصراحه تكون في حالة حد تعدى على حقوقك فيجب أن تصارحيه بهدوء وتعقل عشان ما يكرر الخطأ . أما المجامله فنستعملها على أساس تكون علاقتنا مع الناس حلوه والمجامله غير النفاق فيعني مثلا وحده طابخه مثلا أكل مو حلو مول فأنا مثلا إذا سألتني عن رأيي أقولها هو حلو بس يا ريت لو زودت كذا أو حطيت كذا كان بيكون أحلى أما في ناس يقولون لا وايد حلو أكلك عجبني في هذه الحاله أحس أن هذه ضرت أكثر مما نفعت لأن الواحد يتعلم من خلال الناس وسماع آراء الناس الثقاة .

اشكركن على المشاركه

مقصرتو كفيتو وفيتو

يعني مازيد ؟؟؟ ههههههه << فلسفة مالها داعي ..
والله الصراحة مطلوبة من الزوج والمجاملة ما مانعها من الناس لأن اساس مايهمني راي حد الا زوجي <<< يا واثقه

لكل وقت مناسب مجاملة وفية اوقات لابد من الصراحة
لكن اكره النفاق والكذب للاسف اشوف بنات هنا بالمنتدى تنافق
علشان بضاعتها تمشي او تتعامل بوجهين
الصراحة من البداية تريح ومالها داعي المبالغة بالمجاملات حتى تصل للنفاق