الفرق بين المرأه في السنه الاولى بعد الزواج والسنه العاشره....

مرحبا يأحلى صبايا
اليوم جبتلكم موضوع شدني حيل وأعجبني وقلت أنقله لكم
لكي تعم الفاااااااااااائده
وتدعونلي أكيد بأن ربي يجمعني باللي تمنيته زوج لي بالحلال .....<قولو امييييييييين>

يله استمتعووووووووووو بالقراءه


الفرق بين المرأة في السنة الأولى من الزواج والسنة العاشرة



السنة الأولى



تشير

الساعة إلى 6:30 صباحا




تودع زوجها وهو طالع للعمل وتقول له بالسلامة يا حبيبي

الساعة 11 صباحا




تتصل عليه في العمل وتقول له حبيت اسمع صوتك بس يا عمري


الساعة 3 العصر


تستقبله وهو متشيكه وتبوسه وهو داخل للبيت وتقول له


الغدا جاهز يا حياتي ..تحب أحطه لك الحين ؟


الساعة 5 العصر


تصحيه من :40: ببوسه وتقول له اعمل لك شاي يا حبي ؟

الساعة 6 المغرب




تسبل عيونها وتقول بكل خجل يا ريت يا حبيبي .. يعني لو

ما عليك كلافه .. يعني إذا تقدر توديني شوي لبيت أهلي
إذا كنت تقدر يا عمري وقبل ما ينطق بكلمه ( إذا ما
تقدر خلاص مو لازم ) وطبعا يضيع هو في نظره من عيونها
ويوديها لاهلها ولو انهم ساكنين في أخر البلد
الساعة 8 بالليل





تتصل على الجوال وتقول ( اشتقت لك يا عمري .. يا ريت

تمرني ونروح للبيت ) وطبعا هو عارف وش بيجيه في البيت
فيطمر ويقول للشباب أسف والله يا شباب راسي مصدع :Dولازم
امشي





الساعة 10 بالليل


تجلس في حضنه وتقول ( الله يا حبي تتذكر ؟ تتذكر أيام

الخطوبة لما كنت تعمل المستحيل عشان تشوفني ..وأنا يا ما
كذبت على أبوي وقلت له أني طالعه مع أمي وأنا أصلا متفقه
مع أمي عشان اطلع معك )





وبعدها هات يا بوس لمده لا تقل عن ثلث ساعة

الساعة 11 بالليل




الوصول إلى هذه الصفحة غير مسموح :35:



بعد مرور عشر سنوات

الساعة 6:30 صباحا




هي في سابع نومه

الساعة 11 صباحا




هي برضه في سابع نومه

الساعه 3 العصر




تستقبله وهي نافخه خشتها وتقول شف لي حل مع ولدك علي

هذا ..حتى الآن ما حل الواجب .. وسوير الله ياخذ عمرها
ان شاء الله شاقه مريولها في المدرسة …عطني فلوس لازم
أروح اشتري لها واحد غيره … وصويلح يبي علبة هندسة





تو انه يقول لي يوم ان الاختبار صار بكره … وترى موضي

تكنفست مع الدرج وهي كانت في المشايه … والظاهر إنها
تعورت …كله من هالشغاله الله يا خذها :p….
اسمع يا انا يا
هالشغاله في هالبيت ….أبيك اليوم تسفرها ما أبى أشوفها
وأبيك بسرعة تقدم على وحده ثانيه ….وما أبيها تصير
حلوه …..يا ويلك لو صارت حلوه …..وبعدين شغالتي أبيك
تشرط عليها إذا سفرتها ما عاد تشتغل عند أحد ….عشان ما
تقول أسرار بيتنا للناس ألي تشتغل عندهم ( ما تدري إن
أسرار بيتهم كلها عند الجيران من لسانها هاللي وش طوله )
و …و …..و
الساعة 5 العصر





هي تفك هوشه بين سوير واخوها ويصحي هو على صوتها وهي

تهاوش وتدعي عليهم بجميع الأمراض الخطيرة الحديث منها
والقديم ( جعلكم للطاعون …جعلكم للحمى …جعلكم للوادي
المتصدع …جعلكم للحمى القلاعي … والفحمية ..الخ )
الساعة 6 المغرب





هو جالس يشرب الشاهي وهي تقول نبي نروح لامي بتجيهم

بنت خالة جد ولد عم أبوي :hahaha:..وبعدين نبي نروح نشتري للبنت
مريول ..وبعدين بنت عمي والده ولازم أروح اشتري لها هديه
من باتشي و أبى أمر على المشغل ..وبعدين حطنا عند أختي
من زمان ما شفناهم …………..
وفي هاللحظه فكر هو انه يشتغل ليموزين احسن له
الساعة 8 بالليل





تتصل على الجوال ( وينك فيه ؟ وبعدين وين بتروح ؟ ومنهو

إلي معك هذا ؟ ووش بتسون ؟ ومتى بتجي ؟ لا ما فيه الساعة11
تعال الساعة 10 )
الساعة 10 بالليل





جالسين هي وياه عند التلفزيون ..أخيرا هدوء ..والعيال

نايمين ..والجو جميل ..وفجأة تطالعه وهي مادة بوزها:mad:
وتقول ) الحين أمك وش عندها اليوم ما ترد يوم أنى سلمت ؟ هاه ؟ )





( والله ما ادري كان سالتيها ) ( وأختك وش

هالحركات ألي مالها سنع …ليش عازمة الجيران وكل حريم
إخوانك إلا انا ؟؟؟ لكن هين والله لاسوي عزيمة وما
أناديها …أصلا هي ما زارتني في المستشفى يوم أنى ولدت
وأنا فاهمه قصدها ..لكن هين ..والله لو تحب السما ما
نيب زايرتها إذا ولدت ……وبعدين بنات عمك وش عندهم نافخين
عمرهم ؟؟ على أيش أبي افهم ….على جمالهم الزايد اللهم لك
الحمد بس ) تسكت شوي بعدين تقول ( وبعدين أختك نوره يوم
إنها تقول أن علي ولدي يشبهني ما يشبه أبوه وش قصدها
هاه (ملاحظه : علي هو أشين إخوانه) :D





انا فاهمه قصدها

وتراها إذا ما بطلت هالحركات والغمز واللمز تراني
ابسمعها كلمتين واخليها تحترم نفسها …..لا وذاك اليوم:06:
تقول اخوي محمد ( ألي هو الزوج ) حلو مره و3 من حريم
الجيران قد خطبوه لبناتهم ….من زينك بس ما ادري وش لاقين
فيك . يسكت وما يرد , تسكت هي ثم تقول وبعدين أخوك
شاري لحرمته ساعة قيمتها عشرين ألف ريال ( يرد ( طيب وش
المشكلة ؟ وأنا ليش ما تشتري لي ..والا انا ما
استاهل ..ولو هي يعني احسن مني … بلاك ما شفتها ..شينه
وطبايعها شينه وحتى طبخ ما تعرف تطبخ ) خلاص اشتري لك
ساعة ( تعصب وتقول ( إيه تسكتني بهالكلام ….والله لانت
شاري ولا شي ) ( وش تبيني أقول يا بنت الحلال ؟ ) تقوم
وهي تبكي خلاص ما أبي منك شي





الساعة 11 بالليل


هي زعلانه ونايمه مع العيال

وهو يلعن اليوم ألي تزوج فيه:06::06:





"منقوووووووووووووووووول"