الفرق بين بيت اهلي وبيت اهل زوجي ! برايكم مين الصح ومن الغلط

السلام عليكم


شلونكم بنات


الفرق بين اهلي واهل زوجي
شفتو الفرق بين السما والارض كيف؟
نفس الشي


اول مقارنه ان في بيت اهلي
انا وخواتي وامي وابوي .. طبعا اخواني لايمكن يجيبون حتى سيرة وحده فيهم لان عيب


نشوف ان زوجة اخونا .. تبع اخونا ..
يعني شي يخصه .. مالنا اي حق عليها .. ولا نجبرها تقعد عندنا ولا مع امي ولا ندخل اماكنهم
..................
في بيت اهل زوجي
يعني عندي خوات زوجي الثنتين
وحده فيهم .. عايشة دور اخت الزوج المسيطره وتتكلم بلسان العايله ..
شايفة ان لها حق على زوجات اخوانها .. وعلى عيالهم وحتى اماكنا ..
يعني يحاسبوني اذا ماقعدت معاهم او مع امهم
يعني حتى اخوان زوجي عادي يتكلمون عني باللي يعنيهم واللي مايعنيهم .. وينتقدون ووو ..
يعني عايلتهم يا يبوني اكون مثل ما هم يبون او اكون انسانه مكروهه والكل يعاديني




................


في بيت اهل زوجي
عندنا اذا زوجة الاخو زارتنا .. نضيفها احسن ضيافه ونستقبلها احلى استقبال ..
ومانفرض عليها اي شي .. ولها كل تقدير واحترام ... نقدر اللي تقوم فيه الى عيالها وزوجها


في بيت اهل زوجي ..
زوجة الاخو اذا اكلت شي لازم تسوي شي
يعني تعشت معاهم .. لازم تقوم تغسل وتنظف او ينتقدونها لو عساها مره بالسنه
واذا ما تقوم يحرجونها عادي ..او يوصلها كلام يتعمدون يوصلونه عن طريق اي احد انها ماتعرف الذوق ..
........


في بيت اهلي
ما نروح شقة اخوي .. الا اذا زوجته استدعتنا او عازمتنا .. مستحيل ندرعم فجأه ونمنع عيالنا من دخول مكانها عشان ما يزعجونها او يكركبون المكان ..


في بيت زوجي
عادي اخته تدرعم فجأه
ويرمون عيالهم علينا ومالنا اي حق نتكلم لكونهم شايفين ان عيالهم لهم حق في مكاننا لكونه مكان خيلانهم او عمومهم
واذا رمو عيالهم ينسونهم ويطلعون مع زوجاتهم ..


وانا توه اتحولت الى شقة جديده .. في اول يوم
صعدو لي عيالهم .. وانا حامل وتعبانه وعندي بنوته صغيره وابي ارتب ..


وابتدت فوضة عيالهم


وقلت الى عيالهم لا عاد اشوف احد منكم اللي بيجي يجي مع امه ..


و الكل انتقدني خوات واخوان وحتى زوجاتهم اتعلمو هذا الطبع الخايس وكانو مجتمعين ويتكلمون فيني ان انا طردت عيالهم
ويبون يأثرون ع زوجي ويسوون مشاكل
فيهم انانية وغيرة وحقد
شايفيني تحولت الى مكان جديد
يبون ينكدون علي ...
لهم مواقف مايبون لي الشي
كلهم الخوات والاخوان وحتى زوجاتهم ..


ومو بس شفت لي مواقف .. هم مع بعض بعد جذي مايبون شي حق بعض ..
ويتكلمون على بعض
وفيهم طبيعه شينه .. كانو ينتقدون زوجة اخوهم انها ماتزورهم ولا شي .. ولما صارت تزورهم قطعو رجلها ..
حسسوها انهم متضايقين من زيارتها ..


وفي كل خلاف لي معاهم يجيبون سيرتها .. وهي مالها دخل ..


واخت زوجي تقول .. انتي الدخيله علينا غيري اطباعج .. انسي اطباع بيت ابوج ولا بتخسرين الكل



ودائما تقول انتي غيرررر والكل معاج بصير بحدود لانج غير عنا


قلت لها من كثر ما انا مقهورة من زمان كلمه بالعظم ..هههه ..
. ياحبيبتي الخسارة خسارة العمر والجنه مو خسارتكم انتي واخوانج وزوجاتهم ..
وابوي مربيني من طلعت من بطن امي .. قبل لا اناسبكم .. على ان الواحد يحترم خصوصية الناس ..
حتى اخواني بالبيت وزوجاتهم مادري بشي يخص حياتهم .. ولا خواتي مادري عن شي يخص حياتهم ولا اسأل ..
وانتي شايفه ان لكم حق بكل شي يخصني مكاني و بنتي وحياتي وكل شي


انتو غيرو اطباعكم .. وحطي في بالج انا اسكت بس مو على طول ... مو تفكريني عجينه بتشكلينها مثل ماتبين




شرايكم