الفرق بين حب الزوج وحب الاهل

بنات هذه مشكلة وحده الله يفرج لها هي تتابع الردود بصفة زائر لعل الله يهديها لحل او انه يربط على قلبها او تجد مايخفف عليها الابتلاء
زوجها يغير من اخوانها بشكل مرضي لدرجة انه يشك ان بينها وبين اخوانها علاقات محرمه مع العلم ان هي الكبيره واحد اخوانها بعمر عيالها .
هي حنونه على اخوانها وخواتها وعيالهم لانها الكبيره والخميس يوم مقدس عندهم يجتمعون فيه وهو ينقهر من هالسالفه لما يشوف تراحمهم ووحرصهم على الاجتماع
وكل ماترجع يسوي لها سالفه وينكد عليها
وهالحين مانعها تروح لهم بتاتا الا بالاعياد وهم يجونها ببيتها لكن كل واحد على فضاوته يمرونها ربع ساعه او اقل طبعا بدون بزرانهم وهي تموت على بزرانهم
وبيتها ضيق لاجتماع العوايل
انصحوها بدون تجريح ولاتقولون تروح غصب يقول اذا رحتي انت طالق
وعيالها متزوجين بعضهم وتقول استحي بعد هالعمر افشل عيالي وبناتي
وحتى لو طلقها يدور المشاكل يقول ماتقعدين بالبيت
ادعوا لها يابنات والله تكسر الخاطر