الفرق بين دول الابتعاث من ناحية الدراسة والمعيشة والامان ..... الخ

شوفي حبيبتي كل دوله فيها مميزات وعيوب ..
استراليا مميزاتها انها ارخص من اوروبا وبريطانيا وعيبها بعيييييييييييييده مره 14 ساعه بالطياره
اما بريطانيا مميزاتها قريبه من السعوديه ودراستها اسهل بكثير من غيرها وعيبها الوحيد انها غاليه
امانيوزيلاندا جنب استراليا ساعتين بالطياره وطبيعتها تجنن ماشاء الله واعتقد منهجهم بالدراسه قريب من استراليا ..وبالنسبه للشعب استراليا شعبها حبوب وبعضهم فيهم عنصريه شوي بس هم الطف من بريطانيا ..لان اختي ببريطانيا وتقول شعبها بعضهم حبوبين والغالبيه حقودين على العرب..وفي 3 سنوات تقدرين تاخذين لغه وماستر فقط ..لان استراليا الدكتوراه اقل شي 3 سنين..والله يعنيك حبيبتي..استخيروا قبل كل شي والله يكتبلكم اللي فيه الخيره ..واي استفسار انا حاضره وبالخدمه واتمنى اكون افدتك..

نسيت اقولك حبيبتي بالنسبه للاسعار الدولار الاسترالي يعادل 3 ريال ونص
اما الباوند (بريطانيا)يعادل 7 ريال ونص

حبيبتي أنا في امريكا و ميته ابي استراليا

اولا استراليا حاليا فيها عرب والناس هابه فيها , اعرف وحده هناك متغطيه ولا فيه اي مضايقات
بس عيبها غاليه وبعيده

بريطانيا شعبها سمعت انهم شايفين انفسهم وغاليه بعد
ميزتها انها قريبه من السعوديه وبكذا التذكره ارخص يمكن ست آلاف
يعني مثلا لو جت اجازه تقدرين تنزلين السعوديه

مب زيي انا بعطل وماراح ننزل لأن التذاكر غاليه يمكن 12000

اللغه تقدرين تخلصينها في أقل من سنه اذا عديتي التوفل
ونصيييييييييييييييييحه قبل لا تجين خذي دوره لو شهر تتعلمين

انا و زوجي ندمنا أشد الندم لأن انا مثلا فيه اشياء اعرفها وكنت دارستها بس نسيتها
ففي امتحان تحديد المستوى ما عرفت .

الله يوفقك وييسر لك

هلا بك أختي حلمي المثالية

أنصحك نصيحة أخت أختاروا أستراليا وانتي مغمضة


لما قدمنا على البعثات ما كانت بريطانيا مطروحة ضمن الخيارات رغم أننا كنا نفضل بريطانيا بحكم القرب من السعودية ولكن مافكرت أبدا في أمريكا عشان الفيزا و الأمن ماكنا مرتاحين

بعد الأستخارة و السؤال ( سألت دكتورة أسترالية من أصل مصري عن الوضع في أستراليا ) و البحث في الأنترنت عن التخصص اللي بأدرسه انا و زوجي

قررنا على أستراليا و توكلنا الله و الحمدلله جاء القبول في سيدني الحبيبة ..:heart::heart::heart::heart::heart::heart:

الوضع جدا جدا مريح سواء من ناحية الأمن .. من ناحية المضايقات ما فيه أي شئ من هالقبيل

أروح ملاهي حدايق أسواق البحر ما احد لا يرمي كلام و لا يناظر نظرات غزلية :) هههههههههه

أما عن الأسعار بالبداية بتحتاجون مبلغ على أساس تأجرون بيت و تأثثون أجهزة و أثاث يمشي الحال
المكافآة يالله تكفي الضروريات اذا عرفتي تصرفينها مضبوط

يعني الحمدلله صدق اننا نقتصد و نعصر القرش تعصير قبل نصرف بس بنفس الوقت

نطلع نتمشى نروح مطاعم

البيت فيها تلفون و انترنت و قنوات ..

اللي ناقصنا أهلنا ...

و التمر الزين و القهوة و الهيل القرصان .... الخ :p


بالنسبة للدراسة طريقة تدريسهم تختلفنا عن السعودية كثير

الدراسة تعتمد عليك بشكل كبير و على قد أجتهاد بتأخذ

انا توي باللغة وبأخلص بعد شهرين تقريبا الله يوفقني و أياكم

بالنسبة لنيوزلاند وحدة معنا راحت لها اسبوع تقول الخرفان أكثر من الناس و الديرة تطفش ( راحت لأوكلند العاصمة )

وحدة خليجية خالتي دكتورة تدرس تخصص دقيق خلصت سنة و طقت الحرمة جاها أكتئاب وحولت لبريطانيا ..

و اذا أحد قالك أحد أستراليا بعيدة ما عنده سالفة ، المسافة من الرياض لنيويورك أبعد و المحطات اللي توقفين فيها أكثر على الأقل أستراليا في رحلات مباشرة صدق متعبة و تطفش بس تفتكين من هم الرحلة مهوب كل شوي راكبين نازلين



انصحك بأستراليا ( موب كأني قاعدة أسوي دعاية ...)

وبالنسبة للطلعة من السعودية ... أنا قبلك كنت أقول كستحيل أطلع الا سياحة أما اني أعيش مستحيل و هذاي رحت و ابخلل هنا كم سنة

بربرتي واحد صح ( ماكان عندي واجب أسويه ) !!!


اذا تبغين شئ لا يردك الا الكي بورد و نشوفك أن شاء الله في سيدني قريب .. :)

تحياتي

زي منتي شايفه اللي قالوا البنات انا مؤيده لهم رغم اني افضل بريطانيا لقربها واسواقها احسن من استراليا بكثير يعني على الاقل تلاقين ملابس زينه وزوجي جرب بريطانيا يقول احسن من ناحية التطور بس الناس اذواق
مشكلة برطانيا انها غاليه واشوف اللي يروحون يقولون مكافئتهم ماتكفيهم بس في استراليا المكافأه كثيره علينا يعني نصرف ويبقى ماشاء الله

ادري اني دوختك بس حبيت اساعدك
وعلمينا وش اخترتوا

لا ياحبيبتي من واقع تجربة روحي لبريطانيا وانتي مغمضه
مررررة وناسه وناسها وجوها واسواقها وكل مافيها احلى من استراليا
انا من سنه ونص كنت ببريطانيا والحين باستراليا لو اني مخيره بختار بريطانيا
بيني وبينك اسم ان لندن وباريس جنبك التسوق لا يعلى عليه هناك
والعرب هناك بعد على قفى من يشيل
حتى لو جتك اجازه تلقين مكان تروحين له كل دول اوربا قريبه..
الله يسهل لكم...