بسم الله ما شاء الله لا قوة الا بالله
تجف المواضيع بدون الردود
اليوم حابة ارجع بذكرياتي لكم سنة ورا واتكلم عن الفرق في حملي ببناتي وولدي الله يحفظهم جميع
من حيث الوحم وشكل البطن والسرة والبشرة والبول والنوم
والجسم ---- عموما
البنات كلهم تقريبا وحمهم واحد كان صعب دوخة وغثيان اكرة روائح اكلات معينة وفي كل وحدة اكره نوع اكل وريحته للنهاية >> شكل بطني رايح بالعرض وانا كلي اروح بالعرض واتنفخ وجهي رقبتي ووو >> والسرة بارزة على برة مرررة وتكون السرة على فوق وفيها حلقة فوق السرة هي الي بارزة على برة >> وبشرتي تصير معدومة كلها بثور ومحمرة كانه طفح جلدي في وجهي وشعر جسمي يزيد >> والبول اذكره لونه برتقالي >>> لاني سويت تحليل في وحدة منهم والممرضة ذكرت تعليق على لونه >> والحركة كانت في متاخرة على نهاية الخامس تقريباوكانت الحركة في كل اتجاه وباليسار واكثر شي احسه بالشهور الاخيرة حركة من تحت كانها رجول او يدين الله اعلم تحديدا على فتحة المهبل وكانها تبغى تخرج وانا بوضعية الجلوس ونوم عادي ما احب النوم وفي الشهور الاخيرة ما في نوم اصلا ما ارتاح بس قلق
هذا الي اذكره بالنسبة للبنت
اما الولد
كان الوحم خفبف جدا يعني شبه منعدم وشكل بطني رايح بالطول والسرة داخلة على جوا والحلقة للسرة على تحت والبول الله يعزكم كان مخضر شوي وكان واضح >> لاني اسوي تحليل لالتهاب المثانة
وبشرتي كانت صافية ولله الحمد وشعري قل التساقط بشكل واضح وشعر جسمي خفيف لمن اشيله ما يطلع الا بعد شهر تقريبا والنوم احب النوم مررررة ولكن في الشهور الاخيرة قلق وكانت الحركة من بدري وكانت حركته قليلة بس ما اذكر في اي اتجاه بس في الشهور الاخيرة كان على اليمين بشكل واضح والي يميز الفرق في الحركة انه لا يرفس من تحت زي البنات وكانت بطني على فوق لاخر يوم في التاسع لدرجة انه كل من شاف بطني يقول لسى الولادة مطولة >>>> ايه اذكرت شغلة مهمة في بناتي كان عندي الم اسفل ظهري تحديدا عند العصعص >>> هههه خاصة لمن اكون منسدحة وابغى اجلس احس به لكن الولد لالالالالالا ابدا ما حسيت به
وولادتي في بناتي كانت تقريبا سهلة وميسرة يعني ما اخذ الا ساعتين الى ثلاث ساعات واكون مخلصة وبنتي جنبي
للللللللللللكن في الولد استغفر الله شوفت الموت بانواعه دخلت كشك الولادة من الساعة عشرة الا ربع مسائا ما خلصت الا الساعة ثمانية ونصف صباحا الله يسهل على الجميع >> ايه اذكرت في بناتي كنت من تحت دايماعندي افرازات دايما غرقانة ولكن في الولد ناشفة >> واحلامي في ولدي كلها رزق دايما الاقي عندي رزق وكثيراحلم اني اتزوج غير زوجي او اخونه >>>>>> ههههههههه صعبة صح استروا ما واجهته
على فكرة انا جبت البنات اول و ورا بعض ووقفت ثمانية سنين ثم حملت بالولد الله يحفظه ويبارك في عمره والحين انا حامل في السادس وسويت سونار وقالوا لي بنت والحمد لله كان نفسي باخ لولدي يكون له سند لكن امر الله
وكل علامات حملي هذي المرة تشبه حملي بولدي الا البول اعزكم الله لونه برتقالي >> مدري يمكن الحمل لا جاء ورا بعض اعراضه تشبه بعض سواء للبنت والولد الله اعلم
وفي النهاية اتمنى ان الله يرزق الجميع بمى يتمنون
ادعولي يا بنات تكون الدكتورة غلطانة ويكون الي في رحمي ذكر تام الخلقة والخلق ويسهل علي ولادته
انا نفس اعراضي بالبنات الانقطه الشعر بالبنات يعدم ويقل والسره داخله مو طالعه