الفريكة

اختي انا رح اعطيكي طريقة سهلة للفريكة وطيبة وبتدعيلي :
اسلقي دجاجة لوحدها مع بصلة وبهارات وممكن لحمة اذا بتحبي وتركيها على جنب
اغسلي الفريكة حسب الكمية يلي بدك تطبخيها وتكون عياراتك بالكاسة اذا كنت عيلة صغيرة بيكفي كاستين
حطي سمنة بطنجرة وكتري شوي الفريكة بدها سمنة بعدين حطي الفريكة وقلبيها ليصير لونها زهر ,يعني تاخد لون شوي
بعدين حطي لكل كاسة فريكة كاسة ونصف مرقة دجاج
قرفة مطحونة شوي
بهار
ملح
اذا بتحبي مكعب ماجي
غطيها وتركيها على نار هادية ( ضيفي كمان نصف كاسة مرقة دجاج على المرقة )
لتنشف الماء صبيها بجاط وحطي فوقها قطع الدجاج او اللحم اذا بدك قليون شوي وممكن بدون تقلاية
وزينيها بالصنوبر واللوز والف صحة

شوفي هذه الطريقه راح تعجبك وانا صرت ما اطبخ الفريكه الى بهذه الطريقه

صينية فريكه بالدجاج بالسانيتا

المقادير
- 2 كوب فريكه حب
- دجاجه مقطع ال4 قطع
- 3 كوب ماء
- بصله مبروشه ناعم
- ملح - بهار - فلفل اسود
- حبتين ماجي كبريت
- شويه زيت لقلي الدجاجه
- ورق سنيته او ورق سلفان او ورق قصدير ....الي تسموه

الطريقه
شوفوا يا حلويين
تجيبي ورق القصدير وتغطي الصينيه من الوسط والجوانب حتى ما تلزق الطبخه و بعدين تحطي الفريك بعد غسله فيها وتحطي عليها البصله المبرشه و الملح و البهار والفلفل و تفركي بيدك المجي و تحطيها عليهموتخلطيهم مع بعض وبعدين جيبي الدجاج اقلي جهت الجلده بالزيت بس عشان تاخد لون الذهبي طبعا ما راح تكون مستويه عشان حنحطها فوق الفريك وتكون الجهه المحمره من فوق وبعدين تحطي فوقهم الماء وتجيبي القصدير وتغطي الصنيه ثم حطيها بالفرن مده ساعه او ساعه ونصف لحد ما تشوفي ان الفريك نشفت ميته و استوى واذا حسيتي لسى بدو شويه استوى زيدي شويه مي مغليه بس انا متاكده انها راح تكون مستويه بالتمام والكمال

الف صحه و هناء

الله يعطيكم العافية

انا دلخت من شان اكتب الك عن الفريكة

بس اسم الله الاخوات ما قصروا

على العموم الفريكة طيبة كتييييييييييييييير
كتييييييييييييييييييير

فيكي تحشي الدجاج فيها بتطلع بتجنن
كمانة الخضار لو تحشيها وتدخليها بالفرن بطلع روعة

وممكن تعمليها متل الرز عادي

اول شي بتقعيها منيح للفريكة
اهم شي النقع والغسيل للفريكة

اول شي بتجيبي طنجرة التيفال حتى تضمني انها ما تلزق

بتفرمي بصل على شوي مو كتير
وبتيجبي سمنة في الطنجرة وبتقلبي البصلة لتدبل بعدين بتضيفي الفريكة
وبتحركي منيح منيح

بعدين بضيفي شوية بهارات مشكلة على زوئك
وشي مكعبين ماجي
( كل كاسة فريكة او رز بدهن مكعب ماجي )
وبتضيفي المي

هلأ هون لا تضفي مي كتير بتنزعي الطبخة
ضيفي شوي شوي
لحتى تشوفي انها استوت منيح
وماعاد بدا

على حسب نقعك للفريكة

طولت عليكي مو؟.
بس والله حابة اشرح الك منيح

يلا سامحينا

مممممم شهيتيني والله اكل فريكه !!!!!!:23: :23:

تحضري دجاج ثم تبهريه بالملح والبهارات المشكله والهال والفلفل الاسود وتسلقيه وعندما يستوي الدجاج تصفي المرقة وتضعي الدجاج في صينية للتحمير

اما شوربة الفريكه فتحضري بصله تفرميها وتحمريها بالزيت في طنجرة الضغط او طنجرة عاديه بس انصحك بطنجرة الضغط ثم تضيفي الفريكه وتقلبيهم قليلا مع بعض ثم تضيفي المرقة يعني تقريبا لكل لتر ماء كاس فريكه وممكن ان تضعي مكعب ماجي واتركيهم في طنجرة الضغط لمدة 15 دقيقة ممممممم وشوفي بعدين ما ألذ المرقه كيف بتكون او إذا طبختي بطنجرة عاديه غطي الطنجرة واتركيهم يغلو حتى تستوي الفريكه
وحمري الدجاج بالفرن شوربه الفريكه كثير طيبه وممكن ان تعمليها في العزايم خاصه مع المسخن او في رمضان او في الايام العاديه بتقوي الدم ومفيده كثير :o :21: