الفريك النجدي تكفون يالنجديات وحشني وما اعرف اسويه

قرصان
انا استخدم الكرتون الصغير
افرمه واو اطحنيه في المحضره

وحليب بودره احط كاس كبير وشوي و3 كاسات مويه وملعقه زنجبيل بودره وقرفه ونص ملعقه هيل
وباديه تمر منزوع النوى
اخلطهم في الخلاط واحطهم على النار

احمس القرصان في اصبه زبده وقليل زيت زيتون اخف وممكن تستخدمين الزبده بس

واحط القرصان واحمرها الين تتحمر على نار هاديه مره

واذا سخن الحليب ولازم كل شوي تحركينه عشان مايحترف عشان التمر
اصبه عليه واحرك بسرعه
بيكون متعجن بس كل شوي حركيه ورايح يتفكك معك ويتفرك

وخليه على النار ساعه الاربع على نارواطيه وبعد ربع ساعه الاوله حطي تحته حديده
وكل شوي حركيه

مصوره الصور
وكنت ناويه انزل موضوع بس الاشغال
الله لا يهلينا الا في طاعته

وممكن تزيدن سكر اذا تحبينه مره
حالي انا اذكا حلاه مناسب
والتمر يكون مكنوز خلاص او اي نوع بس انا استخدم خلاص

سبحان الله

الفريك القصيمي مايستخدم فيه قرصان يعتمد بالأساس على كيكة بر وهذي طريقتي وطريقة اهلي مررره لذيذذذذه ومضبوطه ومانحط فيها تمر
المقادير:
تقريبا كوبين الى كوبين وربع دقيق بر (على حسب سماكة الخليط تقريبا زي الكيك او اثقل شوي)
٣ ملاعق حليب بودره مذوبه بكاس ماء
ثلاث ارباع كاس سكر
٣ بيضات
نص كاس زيت
١ ونص ملعقه كبيره باكنج بودر
نص ملعقه صغيره هيل مطحون
تخلط المقادير وتصب بصينيه وتدخل الفرن حتى تنضج وتترك تبرد شوي بعدين تفتت باليد او بالفرامه
بقدر نقطع بصل (بصله كبيرره)قطع صغيره وتحمس بزبده (لازم زبده اطعم من الزيت بفرررق) لين تذبل وبعدين نحط عليها الفريك المفتت وتقلب حتى تتداخل مع بعض
بعدين نرش سكر بودره الكميه اللي تحبين ذوقي لين توصلين للحلا اللي يعجبك ونحرك الفريك ونخليه ٥ دقايق تقريبا على نار هادئه بعدين يوكل بالعافيه
جرررربيه لذيذذذذذذ جداً
اذا اعجبك لاتنسيني من الدعوات الحلوه

هذا رد لي بموضوع سابق نسخته لك

لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..