لاي ماده تبغي ويش درسك لان الفكره تعتمد على الموضوع

درسي (باب ماجاء في التطير)< الجزء الثاني مو بداية الدرس> ثاني متوسط00

والله قرب يوم الثلاثاء وأنا ماسويت ولاشي

والله ما ودي اطلع الا وانا رادة عليك ...... انا تخصصي بعيد عن تخصصك انا فترة التدريب كنت اتعامل مع اطفال وزيادة على كذا اطفال يعنون من صعوبات تعلم وكنت ابحث عن اي شي يشد انتباههم وفي نفس الوقت يبسطهم ويعمل على بناء علاقة والفة مع المعلمة لدرجة اني احيانا ممكن اضع اسئلة التطبيق في بالونات والبنت تجي تفقعها وتطلع السؤال وتجاوب عليه بس لاحضي اني اكون انا والطالبة فقط في الغرفة يعني اتلافى الازعاج و الفوضى اللي ممكن تصير لو كان في فصل عادي ومليان فوق 30 طالبة لا وبعد متوسط ...... الله يعينك .... بس انتي ممكن تستخدمين لوحة الجيوب او تجيبين فازا قزاز وتعرفين شكولاتة كندر البيضة صح يجي جواها علبة فيه لعبة تقدرين تغسلينها وتحطين فيها ورقة مكتوب فيها السؤال طبعا يكون عددها بعدد الاسئلة يعني تصير الفازا تضم مثلا 10 علب تجي البنت تاخذ العلبة وتفتحها وتقرا السؤال وتجاوب علية .
اتمنى اكون افدتك .... ادعيلي الله يعافيك ان ربي يسعدني ويحقق لي اللي في بالي ويرزقني الذرية الصالحة يا رب .

هلا اختي

انا متخرجه السنه الي راحت

بالنسبه للتطبيق مااتذكر اني تكلفت فيه

يعني الي اتذكره سويت وسيله

قسمت كاس الورق حق الشاهي قسمين

وجبت صمغ مسدس ولوحة صغيره

وحطيته وجبت زي اكياس اللبتون قطعت الشاي الي بوسطها وحطيت السؤال الي كان بالورقه

مكانها

بس كان درسي عن اداب الاكل

وطريقه ثانيه سويتها

هي اني اطلع بنت تقرا السؤال وتصحح للبنت وتصير كانها المدرسه

يعني اقولها انتي الاستاذه الحين وهالطريقه حلوه انها تزيد من ثقه البنات بانفسهم

غير كذا

بس انا اقول لاتتحمسين بالتطبيق كثر الموضوع نفسه

رتبي افكارك وتوكلي على الله ولا تخافين

واستخدمي الهامش خصوصا بالاشياء الي تحتاج لتقسيم او تعداد

لان البنات ترسخ ببالهم اكثر

اهم شي يكون الدرس نشيط وتفاعل البنات ركزي عليه

انتي خليهم يجيبون التعريف

مثلا جيبيلهم مثال او قصه منها يستنتجون

يعني خلي درسك استنتاجات

في طريقه تذكرتها

بنت مسويتها

جابت لوحه وسوتها على شكل دائره وقسمتها وتقوم بنت وترمي السهم واذا جاء على جزء معين تطلع

الورقه الي وسطه وتسال

هو على حسب اذا صار السهم على الوسط يصير السؤال سهل واذا جاء فوق يصير اصعب شوي

الله يوفقك حبيبتي وان شاء الله تجيبين ممتاز

حبيبتي فيه حركه حلو انا كنت مسويتها وسهله
جيبي سله وحطي بوسطها فلين الورد ورتبي فيها ورد مجفف بالطريقه اللي تصلح لك
وجيبي بطاقات واكتبي فيها الاسئله ولزقيها باوراق الورد المجفف وخلي البنت تاخذ البطاقه من السله

او جيبي لهم هدايا مغلفه وحطي عليها البطاقه وفي وسطها السؤال بحيث البنت تختار الهديه والسوال فيها تحله وتاخذ الهديه

اهم شي تهتمين بدرسك وبالشرح اكثر من الوسيله

ولاتنسين تسوين هامش بالسبوره وتشرحين فيه لانه مهم وينفعك بالدرجات واهتمي بهدوء الفصل وحاولي يشاركون معك كلهم حتى لو ترد وراك لانه مهم الفصل كله يتفاعل معك ولا تركزين على اللي يرفعون يدهم بس
وحاولي تربطين اللي تشرحينه بحياتنا اليوميه يعني تضربين لهم مثل
حاولي تتحركين بالفصل حتى بين الطالبات

كل الاشياء هذي اهم من الوسيله اهم شي تقولي اسئلة التطبيق في نهاية الدرس وهي تغني عن الوسيله

اتمنى اني ساعدتك ولو بشي بسيط يفيدك