sweeetbdoor :

وجودك بقرية مافيها شي اكبر حافز لك لا تاخذينه على انه عائق بالعكس خذية على انه اكبر فرصة يعني لو انتى بمدينة كبيرة بتعقدين اكثر لان كل شي متوفر فما تدرين وش تبيعين ولا من وين تبدين نجي للمهم ادرسي الموضوع من كل الجوانب عشان ما تتخسرين مثلا قولي القماش كم بيكلف + الخياط كم بياخذ + كم دار تحفيظ موجود عندنا بها القرية + واذا بعت على الدر بعدين على مين بابيع انا عندي لك حلول افضل عشان ما يضيع جهدك نزلي موضوع في المنتديات انك مندوبة وبالعمولة وخلي هالتاجرات يرسلون لك بضاعتهم وانتي سوقيها سواء مكياج ولا خلطات ولا ملابس ولا بطاقات سواء وفيه معمل اسمة معمل ام صالح للكليجا يبيع بالجملة في القصيم ويشحن لكل مكان واحنا داخلين على برد خذي منه بالجملة وبيعي بالكيلو وبتعيين خير اذا انتي بقرية فيها اراضي زراعية او اراضي رخيصة كلمي مكتب عقار وقولي لهم اسوق لكم هالاراضي ولي عمولة اشتغلي بالعقار انتي وزوجك وفيه خير كثير اهم شي دامك للحين ما عندك سيولة فلا تدخلين براس مالك واذا انتي سعودية اطلبي تمويل من باب رزق جميل ومن الضمان الاجتماعي اذا الوضع على قد الحال ولا من صندوق ريادة وماكثر الله الا المشاريع وانا احييك وانبسط كثير لما اشوف سيدات يتحركون و عندهم رغبة يشتغلون وطمنينا وش يصير معك

وجودك بقرية مافيها شي اكبر حافز لك لا تاخذينه على انه عائق بالعكس خذية على انه اكبر فرصة يعني لو...