أنا في انتظر المساعدة
واللي تريد تساعد بدعلها من كل قلبي
واللي ما وده بصراحة ما في داعي للتعليق
وشكرا

اختي الدانة

فكري في بعد الزواج وليس حفلة الزفاف فقط فكري في بيت المستقبل وفكري في اولادك
والقرش الابيض لليوم الاسود

و100 الف كثيرة ولا تكوني امعة اي تقلدين اللي يسوونه البنات

التصوير صفر درهم
لا تصورين احسنلك ___ لان طول عمرتش بتكونين خايفة على صورتش وحاطتها في خزنه

العبايات والشيل يكفيتش اثنين فقط خذي من سيدتي الجميله 2500 درهم

المكياج : 1000 درهم
اخذي لتش الاشياء الاساسية
الاساس جيفنتشي وبودرة ديور او كانيبو
كنسيلر من لانكوم
والظل خذي ديور
وخذيلتش فرش وروج وملمع من بودي شوب

الشنط خذيلك شنطة واحدة بس ويفضل لونها اسود لان كل لبسك عبايات شوفي موسكينو او اي ماركة حلوة =2000

طقم الالماص اشتري من مصنع احسنلتش مع الساعة السعر بيكون من 40 الى ؟؟الف

الاحذية خذيلك من الرخاص على حسب الوان ملابسك باقل عدد (لان بعد الحمل تتغير مقاس الرجل)= 1000

ممكن تشترين بالباقي اطقم ذهب او تحطينهم بالبنك وتستثمرينهم في المستقبل او تخلينهم للزمن

وانا افضل الاستثمار

سمعي يا الدامة يمكن ايكون كلام بعض العضوات صحيح لكن احس انهم بالغو شوي ...
شوفي اختي بما انج بتعرضين اغراضج اكيد بتكونين مضطرة انج تشترين وايد عشان العرض...
المهم سؤالي هو .... هل من الضروري ان تعرضين زهبج ..اذا كان لا فاحسن لج تبتعدين عن العرض لانه مكلف...
انا بقولج نحن من فترة كان عندنا عرض زهبه وكلفنا العرض وايد تخيلي الصناديق +تجهيزهن بالكامل+تجهيز الغرفه
بكل منا فيها طاولات لعرض الذهب +مكاتب لعرض الاحذيه + شيفونات وتور وورد مجفف وشموع ومانيكان لعرض الفساتين ومعاليق للمغربي ..هذا غير التنسيق وغيره شغله والله بتتعبين وايد ...
اتعرفين عندي صديقه اتزوجت من فتره وماشاءالله عليها اشترت الاشياء الضروريه ووفرت 40000 لبعد الزواج
وكل ما استوت مناسبه اتروح تشتري جديد في جديد يوم سألتها ليش سويتي جذيه قالت ان عينها تمل كل شي بسرعه
قالت انا احب البس كل شي جديد لاني امل الشي بسرعه...
انا اقولج هذا الكلام ونصيحه من اخت لاختها ... انا في زهبتي سويت اشياء وايد فساتين من الغاليه وكل شي من اغلى ما يكون لكن ما تهنيت فيهن لاني حملت وحتى بعد الولاده ما قدرت البسهن لان المقاسات اتغيرت ..
فكوني ذكيه وحاولي انج ما تبالغين ...
والسموحه...

الف مبرووك والله يهنيييج


وانا راايي من راي البنات لاتاخذين اغرااض وايد
لأن كل يوم بينزل شي يديد .. كفايه ل 3 شهور قدااام

مووفقه :26:

بنات افهموني أنا معاكم إنه لازم أوفر شي لبعد الزواج من الفلوس وإنه ما أشتري أشياء وااااايد لأنه يمكن يتغير جسمي بعد الزواج


ولكن بسبب إنه الأهل من الطرفين يريدون عرض الزهبة لأنه من العادات الموجودة عندنا عرض الزهبة

وأيضا الذهب من طقم الألماس والساعة والدبلة بياخذ وااايد من الفلوس عشان كذا


كنت أريد مساعدتكم ونصائحكم حول كل الأمور إلي ذكرتها سابقا وبعد أريد أعرف أفكاركم حول كيفية التجهيز لعرض الزهبة وترتيبها وتزيينها وإلي عندها أفكار يديدة تخبرني ولو كانت بصور بكون أفضل بس تكون ألأفكار مش مكلفة وايد

ولكم مني جزيل الشكر