Lojain99 @lojain99
محررة فضية
الفزعة . بنات أبوظبي بروح أسكن بأبوظبي و خايفة ساعدوني أرجوكم
سلام بنات أولا باركولي تملكت و أنشاء الله بتزوج بعد كم من شهر و بروح أعيش ويا زوجي في الأمارات و تحديدا أبوظبي. أنا عمري 26 ولي 20 سنة عايشة بأمريكا و متخرجة من الجامعة و أشتغل شغل محترم و الحمد لله محافظة علي نفسي و ديني ( طيب حنا ايش دخلنا ) أصبروا عل رزقكم. أنا الحين يوم اروح أبوظبي ما راح أشتغل يعني طول اليوم بالبيت سؤالي هل أقدر أطلع بروحي يعني مشاوير و شوبينق ولا لازم زوجي يأخدني؟ وين أتسوق و وين أسكن. زوجي يقول ممكن نستأجر شقة في حدود 65 ألف درهم. هده تكون شقة حلوة و نظيفة و في مكان حلو ولا مكان كلش مو زين ؟ كم يكفينا مصاريف انا و زوجي في الشهر؟ أنا بحكم اني أشتغل و لي راتب اشتري كل اللي ابي بس الحين ما ابي اضيق على الرجال لانه توه بادي حياته و مستحيل أطلب من أهلي. بنات أبوظبي تكفون ساعدوني داخلة على الله ثم عليكم. قولوا لي كيف ميزانيتكم يعني في حدود المعقول كم يكفي شخصين. الراتب بعد السكن يبقي منه 5500 درهم هده تعيش زين ولا لا؟ كم أدفع لو رحت صالون تجميل مثلا؟ أدري غثيتكم بس ما لي حد الا انتم. زوجي راتبه 8000 يحتاج اني أساعده و أشتغل ولا مو ضروري بصراحة ما ودي أشتغل ودي أشوف بيتي و زوجي بس لو لازم أشتغل ممكن ألاقي شغل بسهولة ولا لا مجالي هو أدارة طيران مدني
2
955
يلزم عليك تسجيل الدخول أولًا لكتابة تعليق.
Sh0_0g
•
هلا والله فيج في ابوظبي
صدقيني كل شي بتعود
في البداية يفضل تاخذين جولة في ابوظبي و مثل ما قالتلج اختي ناعمة الصوة -يجزيها الله خير -البلاد امان فيها من الغالي و الرخيص
و اليجارات متفاوته و بتحصين الي بيناسبج ان شاء الله بس ابعدي عن شقق إلي في الشوارع الرئيسية ومناطق العزاب مثل ما قالة منطقة النادي السياحي وبجنب السوق
واذا امكن تاخذيون شقة في مناطق السكنيه مثل المرور وايد هاديه
بس احلى مكان عند الكورنيش بس الايجارات وايد غاليه
وعن روشن البيت كاروفر تلقين فيه كل شي واسعارة حلوة او انج تتعاملين مع احد المحلات الغذائية تلقينهم في منطقة مدينةزايدقرب مركز زايد التسوقي بيوفرولج الي تبينه كل شي يعني حاولي ما تشتري من البقاله الي تحت العمارة لان اساعرهم ضعف القيمه بس في الحالات القصوى ممكن تعاملين معاهم
اما عن الصوالين طالعي مجلة الوسيط -الاعلانات تجارية - يوزعونها مجانا على البيوت كل جمعة فيها اعلانا و عروض الصوالين و المحلات وايد اشياء حتى الايجارات
ان شاء الله اكون افتج
صدقيني كل شي بتعود
في البداية يفضل تاخذين جولة في ابوظبي و مثل ما قالتلج اختي ناعمة الصوة -يجزيها الله خير -البلاد امان فيها من الغالي و الرخيص
و اليجارات متفاوته و بتحصين الي بيناسبج ان شاء الله بس ابعدي عن شقق إلي في الشوارع الرئيسية ومناطق العزاب مثل ما قالة منطقة النادي السياحي وبجنب السوق
واذا امكن تاخذيون شقة في مناطق السكنيه مثل المرور وايد هاديه
بس احلى مكان عند الكورنيش بس الايجارات وايد غاليه
وعن روشن البيت كاروفر تلقين فيه كل شي واسعارة حلوة او انج تتعاملين مع احد المحلات الغذائية تلقينهم في منطقة مدينةزايدقرب مركز زايد التسوقي بيوفرولج الي تبينه كل شي يعني حاولي ما تشتري من البقاله الي تحت العمارة لان اساعرهم ضعف القيمه بس في الحالات القصوى ممكن تعاملين معاهم
اما عن الصوالين طالعي مجلة الوسيط -الاعلانات تجارية - يوزعونها مجانا على البيوت كل جمعة فيها اعلانا و عروض الصوالين و المحلات وايد اشياء حتى الايجارات
ان شاء الله اكون افتج
الصفحة الأخيرة
جوفي الغالية..الحمدلله البلاد فيها امان وتقدرين تطلعين بروحج للشوبينق بس ما انصحج في الليل لانه زحمة ويناسبج الصبح احسن
بالنسبة للشقة ..في اماكن واايد زينة ونظيفة وبعمارات يدية ..يعني بحدود 65 الف تعطيج شقة حلوة ويديدة فيها غرفتين وصالة وغرفة خدامة لو كانت مثلا في شارع النجدة
ويمكن يعطيج 3 غرف لو سكنتي في شقة في عماير في شارع المطار أو المرور
بس ما انصحج تسكنيني في االنادي السياحي ابدا لانه زحممممممممممة ومنطقة مش نظيفة ونسبة كبيرة عزابية وانتي وحظج.. بس انشالله بتحصلين اماكن وايد بس يبغيلكم اتلفون كم مكان واتشوفين الشقة بعينج والمنطقة لانه في اماكن زحمة والباكنات صعبة فيها وفي اماكن هادية
بالنسبة للصالون ..انتي ماحددتي بالضبط شو تريدين من خدمة..المهم الاسعار تتفاوت ..اكثر الصالونات اسعارهم معقولة من حيث الخدمات وفي صالونات غالية شوي
يعني يمكن اسشوار شعر في صالن يطلع لج ب30 درهم وفي صالون ثاني 100 درهم واي خدمة معينه تبينها قوليلي وبرد عليج وقولي عن السعر اللي انتي تبينه
وراتب 5500 انشالله بيكفيج وبيزيد لا اتفكرين..بتعيشين انشالله حياة مرتاحة وهو يعتمد عليج انتي من ناحية الصرف
أما بالنسبة للوظيفة احس انها صعبة شوي