الفزعة ياالسنعات اسعفوني بافكاركم

هلا سحابة صيف

اول شىء جمعي افكارك انتي ايش تبي تسوي عشان لاتتعبي على الفاضي

وتاني شىء في بعض الاكلات من الليل سويها وبعضها لمن تصحى اتوقع ما راح يجيكي نوم من التفكير انا كذا


سوي مكرونه زي ما انت تحبيها

سوي كنافه بالقشطة والموز يعني نص الصينية موز والنص التاني قشطة او كل وحده صينيه


سوي اصابع الجبنة برقاق سويتز ا وبعد القلي حطي شيرة عليها

سمبوسة الجبنة برضوا برقاق وشيرة

سمبوسة باللوز اسلقي اللوز وبعدين حمسيه وبعدين افرميه وبعدين حطي مع اللوز شويا سكر شويا هيل الطعم جنن واعملي حشوة لي السبموسة وبعد القلي شيرة اختياري برقاق او عجينه
راح احط صور لهم




سوي فته الباذنجان الاسود وبطاطس مقطعه صغيره وتحمسي صنوبرا وتسوي الخلطة اللبن مع شويا اللبن الزبادي مع اللبن الشرب شويا ملح وإذا تبغي شويا ثوم اختياري

راح احط صور لهم



سوي حمص بليلة معلبة على حسب عدد الاشخاص مع شويا طحينة وشويا بس موية وملح وفي الفرمه حق البصل لا يكون ثقيل او خفيف وسط
وبعدين حطيه في الصحون ورشي على الاطراف كمون وسماق وحطي كم حبة بليلة شغل فنادق وشويا زيت عادي او زيت زيتون


لاتنسي الشوربه ممكن تسوي كذا نوع شوربة حب و شوربة خضار
وشوربة لسان عصفور

وكمان سوي عصيرات انواع

وكمان سوي كريمة ومهلبية وكاستر على حسب عزيمتك وهادي من الليل احسن

وسوي عيش ابو اللحم تبغي صغير او كبير على راحتك
واعملي اكلات يحبوها ضيوفك

راح اتعبك معليش انا لمن يجوني ضيوف من قبل يومين او ثلاثة افكر
اكتبي الاشياء اللى تبغي تسويه وبالعافية سامحيني كتبت كتير

نسيت اكتبلك عيش مقلي في الفته عيش مقطع مربعات وبعدين اقليها

اختي جوانه الله يسعدك انا كاتبة في ورقه كل اللي ودي اسويه لكن تعرفين الوقت في رمضان غير اني قلقانه من وقت مادريت بالعزيمه يارب تيسرها وانتي حبيبتي ماقصرتي الله يحقق  لك ماتتمنين

امين يارب تبغي اكلات تانية ابشري

لازم تكونين عارفه عدد الاشخاص بحيث تكون كمية الاكل متناسبه
ماتقل الكميه ولاتزيد
ولو زاد عند اكل رتبيه وطلعيه للمحتاجين
بالنسبة للعزايم افضل الاكل يكون ميني
يعني قطع صغيره ومرتبة يكون شكله احلى ويفتح النفس لان فيه ناس ماتحب تاكل مع بعض وتتقرف من غيرها
مثل البيتزا والشاورما والكفته والزانيا

اذا بتقدمين صواني كبيره مثل الرز او شوربة كبيره لازم توفرين ادوات كافيه من حيث المغرفه والملاعق الكبيره بحيث نكون للغرف ومااحد يستخدم الملاعق الصغيره بدالها

ولازم ناخذين في اعتبارك وجود الاطفال

وهذا رابط يمكن يساعدك
http://forum.hawaaworld.com/showthread.php?t=3224982

وهذا رابط ثاني مخنصر ومفيد
http://forum.hawaaworld.com/showthread.php?t=3210845