um joud :

حبيبتي اذا تفكري في الابتعاث لمجرد استغلال الوقت فمانصحك ابدا الغربة والدراسة برا ماهي هينه فكري في كل ابعاد الابتعاث واستخيري وانا باكتب لك الواقع اللي ينتج عن الابتعاث على خادم الحرمين بدون وظيفة مسبقة وخطواته اولا تحتاجي المحرم ومعاناة عشان تختاري محرم ويكون متفرغ او جهه عمله معطيته موافقة هذا غير انه ماله ضمانات زي المرافقة المحرم يدرس لغة وراتبه زي راتبك بس لا زوجته ولا عياله يضموهم لا بالفيزا ولا بالراتب وان اخذتي معاك الوالدة او اختك ماتدخل الا بفيزا زيارة واقامتها محددة و مالها احقية دراسة ولا علاج ولا راتب هذا بالنسبه للمرافق بالنسبة للشهادة والوظيفة لازم تحددي من قبل ما تروحي نوع التخصص اللي راح يضمن لك بعد الله تعالى الوظيفة لانه كثيررر اتغربو واتغربلوووو واخذو تخصصات ماستر ورغم كذا اتركنت و ماتوظف الا بالبكالوريوس فلازم اختيارك للتخصص يكون مبني مسبقا على هدفك الوظيفي وحسب سوق العمل ومتطلباته حاليا والاهم انه يكون مرتبط بتخصصك في البكالوريوس لو بطرف من اطرافه مثلا لو انت تخصصك احياء دقيقة يمديك تاخدي ماستر في البايوتكنولوجي حتدرسي فيه احياء وبرمجة حاسب وبعد ما تستقري على تخصص تبحثي عن الجامعات المعتمدة من وزارة التعليم العالي ومصنفتها حسب رتبتها ومركزها في العالم ولو جامعتك اللي اخترتيها خارج هذا التصنيف شهادة ما راح تعتمد ابدا من وزارة التعليم العالي ولا كانك درستي شي بعد اختيار الجامعه في بلد معين شوفي متطلبات الجامعه لنفس التخصص لنوع ودرجة شهادة اللغة الشهادة هل هي ايلتس ولا توفل ولا بيسك المعدل هو هو 6،5/ 7 او او الخ بعد كده الامور كلها سهالات تراسلي الجامعه اللي اخترتيها عن طريق موقعهم وتقدمي في قسم التسجيل والقبول وبعد مايرسلولك ردهم بالموافقة ويعتبر رد مبدأيي فقط خلاص تقدمي على الابتعاث وتقولي لهم انا حدرس كذا في مدينه كذا وجامعه كذا وهذا قبولهم وان تطابقت عليك الشروط كاملة تخصص وشهادة ومعدل ومحرم وعمر يرسلو لك البيانات والاوراق اللازمة اللي لازم ترسليها للجامعه عشان تصيري مسجلة رسميا عندهم وبعد كدا خلاص تدبري نفسك وتبدا رحلة البحث عن مسكن ومعهد وتمشي الامور ان شاءالله

حبيبتي اذا تفكري في الابتعاث لمجرد استغلال الوقت فمانصحك ابدا الغربة والدراسة برا ماهي هينه...