هلا حبيبتي المطر الذهبي
حطي المكياج الي يناسب جماعتكم والي انتي متعوده ومرتاحه عليه
ولاتغامرين وتحطين مكياج انتي مو مقتنعه فيه او يمكن ما يناسبك
والمكياج له دور كبير في النفسيه ارتاحي واحطي الي متعوده عليه
بس ممكن تغيرين الالون الي دايما تحطينها وطبعا لازم تكونين مقتنعه فيه
وشايفه انها تناسب بشرتك ..وحطي روج بيج لانه يمشي مع كل الوان الشدو
واذا كان شعرج ناعم فلا تستخدمين الجل احلي شي الشعر الناعم استايل هندي بس سويه استشوار
ومثل ما قالو الاخوات الاكسسوارت مهمه وخصوصا الزميم اتوقع عرفتيه الي ينحط في الخشم :27:

وتقبلي تحياتي ..

الأخوات كفوا ووفوا :) قرري اللي بتسوينه على حسب :
اللي ترتاحين له ، ويلائم المناسبة ووقتها ( سهرة - نهار - عصر ) .. إلخ ، اللي يناسب ستايل لبسك

وأبي أضيف شي .. العبي في الاكسسورارات ، أحلى شي أكسسوارات هندية تعطيك لوووك يجنن :)
وشيكي الخاص برسل لك صورة وجه بس ماأقدر أمسح حالياً ، بس في الصورة لابسة قطعة على راسها حلوة وبسيييطة ومرة شفت وحدة حاطتها في عرس :)

يوووه انتي ملغية الخاصية الله يهديك :( <---- تفشلت :)
عالعموم هذي الصورة

ممنوع وضع صورة كاملة ...

السلام عليكم

كيف الغاليات ؟

عساكم بخير

مبارك عليكم العيد :27: " حلوة وردة العيد "

---------------

جيت اعلمكم وش سويت ثاني العيد

انا من هواة الاختراعات في المكياج

اخذت ارائكم وسويت لها تجميع _ اجل رحت وطي _ بس ما عليكم عندي و انا المطر الذهبي

سويت مكياج صباحي و زودت عليه و صار مسائي _ الصباحي كان تجربة فقط _

المناسبة كانت ملكة


نبدا بسم الله

اولا : قولوا ماشاء الله لا تحسدوني :55: ( اكثر منها هذي )

لا خلاص الان نبدا من جد

اول شي صحيت من النوم .. و غسلت وجهي .. و رحت للمطبخ <<<< اقول خلصينا
7
7
7
7
7
7
7

بعدين تروشت و خرجت من الحمام و ... و بعدين يعني
7
7
7
7
وصلنا

حطيت كريم مرطب ( نيفيا سوفت ) على وجهي كله
الطريقة : حطيته في يدي الثنتين و مسحته و بعدين مسحت بها وجهي .

ثم
اخذت لفة سريعة اتاكد من اشيائي كلها كاملة والا لا ( يعني كنت ابغاه ينشف شويه عشان ما يروح الاساس اذا حطيته فوقه وهو دهني )

ثم

حطيت خافي عيوب
اللي عندي لانكوم ام اربعة الوان علبتها مربعة

ثم

حطيت الاساس ( سان لوران ) و وزعته بالاسفنجة

ثم
حطيت بودرة سايبة

ثم
بديت بعيوني
حطيت عليها لون وردي من ( ماني متاكدة من اسمها لاني رحت عيدت على بنت خالي و استوليت على درج المكياج .. استلفت .. و حطيت .. و رديت .. بس ماجا على بالي اقرا الاسم .. باحطه بالتقريب )
اظن اسمهه بورجوس و الا حاجة تشبهها

باوصفها و انتم اعرفوها
علبة دائرية لونها بمبي مقسومة نصين ، نص للالوان ونص للفرشة و جوتها ثلاث الوان تدرجات البمبة _ من الشمال لليمين _
ابيض عليها لمحة وردي ، بمبي فاتح جدا ، وردي ( اناعجبني هااااااادي ) بس كلها بلمعة

حطيت انا من اللون الاخير اللي هو الوردي على كامل الجفن
من تحت الحواجب حطيت الابيض و شوية بمبي فوقه ( عادي دايم اخربط كذا و اطلع نتايج ممكن تحمد عقباها وممكن .... بس ما سويت كذا الا لاني حسيت ان وجهي صار كان توي صاحية من النوم )

ثم انتقلت الى البلاشر و حطيت برونزي من بدي شوب رقم 2 شووووووييييييييييية بس
غيرت وجهي خلت فيه انتعاش ( يعني ما كثرت .. عشان يحسبون جمالي رباني :42: )

و حطيت روج لحمي و حددته بالمحدد من بودي شوب تقريبا لون المحدد مايل على برتقالي ( حتى هذا استلفته وما شفت الرقم .. ما كان عندي وقت ) ( الروج لونه زي البنت اللي في مسلسل درب المحبة .. خلود .. كانت دايم تحط منه )
و لاني ما عندي منه جلوس حطيت فوقه جلوس شفاف فادى الغرض

و بكذا اكتمل عندي مكياج صباحي ( ممكن تحطين كحل .. اختياري حسب ما تشوفين وجهك كيف صار .. انا شخصيا حطيت بس كحل من جوه و قليل مهو الثقيل حق كل مرة )

طبعا ما نسيت اوزع من حمرة الخدود على خشمي و " ذقني " و جبهتي



كيف حولته لمسائي ؟

عادي

نرجع للعين بصفتها كل المكياج بعد الروج طبعا

حطيت عليها عنابي
من داخل العين عنابي لوحده

من طرفها حطيت معه اسود

بالتفصيل

حطيت على خط الرموش ( ترى عندي من مفهومي الشخصي طرف العين و خط الرموش = تقريبا 3ملم )

حطيت العنابي شريته من قزاز طلبت الرجال لون عودي و عطاني هذا
( عذرته .. كل واحد و مفهومه في الالوان )
و فيه لمعة ماااااااااااااارة حلوة

من نص الجفن المتحرك الى اخر العين حطيت في الفرشاة موية وحطيت عنابي

ثم ما حسيت انه تغير كثير
( بس ترى لين هنا .. لونه كان حلو .. )

و لكن لاني لا ارضى بالقليل قلت كمان ابدع شوية

رحت حطيت بس في الركن الخارجي اسود و سحبته على جوه شوية

ماهي سحبة قوية

لا بس كاني اخفف اللون

و كحلت عيوني من جوه و رسمت بالاي لاينر خط رفيع من فوق

و بطرف الفرشاة حطيت اسود من تحت ( خط الرموش السفلي )
حطيت على الخط و حطيت ماسكارا

و رجعت للروج لقيت اني من كثر ما اهتميت اكلته

قمت و حطيت مرة ثانية بس حطيت لون محدد اغمق شويه قام عطاني لون حلو مدري كيف هو

بس عادي كانه لون يقرب للون الشفايف العادي ( بس ما زال فاتحا )

و اخيييييييييييييييييرا

حطيت بودرة على وجهي باكمله

و الشعر لانه خرب ما راح اقولكم غير اني خليته مفتوح


ملاحظة : انا اذا جيت احط مكياج عيوني امسك كرت على طرف عيني عشان ما ينزل الشدو على وجهي و يخرب وانا امسح فيه ( مدري انتم تسوون كذا و الا لا؟ )

بس للامانة الفنية قلت لازم اعلمكم عشان اللي ما يدري يدري

و السلام ختام

يلله رايكم فيني يا حلوات

الحمدالله عالسلامه

اهم شي طلعتي من احلى البنات

بس حلوه حركت الكرت بوسسسيوي مثلها

يله بايات