السلام عليكم ورحمه الله وبركاته
ممكن تخبروني عن احسن صالون اتعدل فيه يوم العرس ولازم يكون في العين
صراحة متلعوزة ما اعرف وين اتعدل :44:
واذا ممكن بعد تخبروني عن محلات اقص منهن قطع حلوة
واي شئ حلووو يخطر في بالكم
والله متلعوزة من سالفة الصالون وزهبتي :(
والف شكر للجميع
يلزم عليك تسجيل الدخول أولًا لكتابة تعليق.
الف شكر لج الغالية على المعلومات
واذا عندج اسعارهم ممكن تقوليلي عنها
وبالنسبة لتفعيل الرسايل الخاصة
روحي فوق عند مكتبك الخاص
بعدين نزلي تحت عند ( تفعيل وظيفة الرسائل الخاصة ؟ ) وحطي نعم
وبس
واتريا رسالتج
شجوووون
واذا عندج اسعارهم ممكن تقوليلي عنها
وبالنسبة لتفعيل الرسايل الخاصة
روحي فوق عند مكتبك الخاص
بعدين نزلي تحت عند ( تفعيل وظيفة الرسائل الخاصة ؟ ) وحطي نعم
وبس
واتريا رسالتج
شجوووون
هلا اختي شجون الامارات
بالنسبه لاطقم العبايا والشيل تفضلي المحل عندي وما يصير خاطرج الا طيب
وتراه هالفتره فيه خصم 15% بمناسبة الافتتاح لا تضيعين الفرصه
والف مبروك مقدما
بالنسبه لاطقم العبايا والشيل تفضلي المحل عندي وما يصير خاطرج الا طيب
وتراه هالفتره فيه خصم 15% بمناسبة الافتتاح لا تضيعين الفرصه
والف مبروك مقدما
اهلين عزيزتي حواء
بالنسبة لمحلج وين مكانة وشو اسعارج والين متى فترة الخصم
والف شكر لج
بالنسبة لمحلج وين مكانة وشو اسعارج والين متى فترة الخصم
والف شكر لج
الصفحة الأخيرة
انصحج بصالون ضبية الدار
وفرعهم الثاني ضبية العين
انتي روحي لهم فاقرب فرصه لانهم بعد يقدرون يجهزونلج الزهبه بعد وصالون بتافيا روعه بعد..وعندج صالون سيدتي بعد حلو
وعندي رقم ثنتين وحده مغربيه فنانه فالمكياج بس التسريحات لاباس..وبعد عندي رقم وحده اماراتيه عليها شو مكياج يقلب لج شكلج 180 درجه ومعاها مالت التسريحات بعد اماراتيه
وصالون كنز لبنان يسوون مكياج هادي وحلو
..................................
بالنسبه للحنا ما اعرف صوالين تسوي حنا حلو الا مثايل وميثه
بس اعرف وحده تحني حنه مره حلوه والله بتتخبلين عليها
جناااااااااااااااااااااااااااااااااااااااااااااااااااااان
حنا هاديه وخفيفه تملي لج ايدينج وترتبلج اياه
عندي رقمها وهي ساكنه فالسليمات
...................................................................
وبعد للقطع عندج ليلي في العين مول..وفي ليلي ثاني بس مش فالعين مول اعتقد فرع حقه عندهم فساتين عرس تجنن وبعد محل باريس والرداء العربي يقصون قطع حلوه
ولفساتين السهره وبعد انصحج بلوريتال بجنب استيديو الجميرا عندهم فساتين سهره وحفلات حلوه
لكن فساتين العرايس ما عجبتني كثير اما المصممين في مصمم في العين مول لبناني نسيت اسمه واسم المحل بس قالولي حلو..اعتقد فالطابق الثاني...وبعد عندج محل ساتان بجنب مركز الاعشاب الي قرب الجسر اسمه ابو الوليد بس لازم حجز واسعره شوي مرتفعه
يعني من 1500 ـ5000 بس فنان في التصميم يعني مو خساره..واذا تبغين خياطين عاديين لفساتين السهره شغلهم حلو واذا عندج تصميم ابصملج انه بينفذه لج مثل ما تبين..عندج مشغل ناضم وعروس الخليج واللي عداله بتحصلينهم ورا شركة k.m وبعد عندي لج شمعدان لكل شي ودج تسوينه فستان عرسج وفساتينج وبعداذا ودج تنانير وبناطيل وبعدملابس طلعه مثل مالات زينب العسكري والهام الفضاله اراه روعه ومره عاجبني وانا فصلت بدلات مثل مالات زينب الي فدنيا القوي عندهم ولبستهم فالعيد على جينز مره حلو طالعين
...............................
ودي اعطيج الارقام على الخاص
بس يقولون لي سوي تفعيل للخدمه وما اعرف كيف؟؟
اذا تعرفين او حد يعرف خبريني وانا ارسلها لج.
..................................
.......................................
حبيبتي اتمنى اني افدتج
ولج التحيه والف مبروك مقدما وانشالله عرسج يكون احلى عرس...