وش رايكم باللي عندها الليس وما يرضى انها تسوووووووووووق

وراضية ولله الحمد :27:

مع اني والله احتاج لها _ اقصد السواقة _ مرات كثيرة

أولاً شكراً على مروركم الكريم ونصايحكم الحلوه....

ثانياً ما تتصورون كيف هالموضوع مأثر على....والله إني أعاني من صداع واضطرابات في المعدة وتكرمون اسهال من كثر التفكير.....

بتقولون إني أبالغ والموضوع ما يحتاج لكل هذا...بس اللي أفكر فيه مب بس سواقة سيارة أفكر في وضعي مع زوجي وأهله....هذا وهو عايش أنا تعبانه من أهله...

لو ماالحاجة والله ما طلبت هذا الشي...تعبت من إهانه كرامتي والتجريح والضغط اللي أنا أعيشه...والحمد لله الذي لا يحمد على مكروه سواه....

تخيلوا إن أهله مسافرين العمرة..أمه وإخته وأخوه الكبير وخذوا السايق معاهم بدون داعي..مع إنهم رايحين بالطيارة... بس على شان ما أستخدم السيارة والسايق ..الله يسامحهم دنيا وآخره إن شاء الله....

وزوجي ساكت..حتى ما خبرني إن أمه منعت السايق عني وعرفت من السايق نفسه..كنت كل ما أطلبه يوديني مكان كان يقولي مشغول وإلا بيودي أمي زوجي وإلا إخته...وعلى هالخال كل يوم لين ما قالي أنا ما بكذب عليج أنا ممنوع أوديج أي مكان بالسيارة...قلت له انزين سيارة زوجي موجوده قالي ممنوع أوديج...وأنا سكت وما سويتها مشكله...

وزوجي يشوفني متضايقه ودايماً يسألني شو فيج بس أنا أقوله ما فيني شي....لأني ما ابغي أشتكي من أهله على شان ما يسويها مشكلة واطيح على راسي....لأني تعبت وما أتحمل زود مشاكل....

بس تعرفون أنا أشبه موقف السواقة بموقف مشابه مريت به بس كان يخص الموبايل....في أول أيام زواجنا قالي لا تحلمين أعطيج موبايل واخليج تستخدمينه...قلت له إن شاء الله ..وهالموضوع أنا مخليتنه للظروف...وفعلاً حملت بولدي وكنت لازم أروح المستشفى على شان مواعيد الحمل...وكان يهتم من تأخيري في المستشفى ..وما يعرف كيف يطمن عليّ...فقالي خذي موبايلي الثاني بس يوم بتروحين لموعد المستشفى...وشوي شوي سمح لي بالموبايل بس كانت السالفة طويلة....

وألحين سالفة السواقة....أنا بكلمه شوي شوي وبحاول وياه...لين ما الله يليِّن راسه ويوافق....وعلى قولتهم كثر الدق يفج اللحام....ادعوا لي بس الله يوفقني ويهدي زوجي ويوافق.....

تصدقين ياأختي انك عورتي بقلبي مره يااااااااااااااااارب ان شاء الله يسخر لك زوجك ويبعد عنك شر اهله تدرين ياحبيبتي ان حنا عندنا بالسعوديه تعبانين من هالشي الوحده لازم تنذل علشان المشاوير وحتى لو كان من الابو نفسه تحس الوحده انها تبي استقلاليتها بدال منية الابو وازوج او الاخ والسوايق وراهم مشاكل لكن نصيحتي لك يابعد عمري انك تتوددين لزوجك اكثر وحاولي انك تعلمين ولدك انه يستقبل زوجك لما يجي من العمل ويبوسه وحببي زوجك فيك وفي ولدك قد ماتقدرين علشان انتي ترتاحين نفسيا لانه شكلك من طريقة كلامك مقهوره عموما اختي تقبلي مني دعواتي وان شاء الله زوجك يوافق اختك اميرة الليل:26:

اميرة الليل...فديت قلبج يالغالية....

تبين الصدق هالمعاناة مب بس في الإمارات والسعودية...هذي معانات كل زوجة ساكنه مع أهل زوجها....الله يعين بس..

والسالفة القهر...فأنا أبشرج إني مقهوره من زمان....لكن الحمد لله الذي لا يحمد على مكروه سواه....

وعسى الله يسخر كل زوج لزوجته يارب...وما يفرق بينهم دنيا وآخرة..ويبعد المشاكل عنهم..الله يكفينا شرها وبلاها...مشينها على الإنسان....

ما يبيج تسوقين؟!! زين ماعليه! خليه يجيب لج سواق وسيارة خاصة فيكي انتي،،،،ولا اقولك! علشان ما يزعل خليه يجيب لك سواااااقه حرمة احسن وافضل عن السواقين الرجال،،،،،بتقولين لي ما عنده يتشري سيارة جديدة؟ يلا مستعملة وصغيرة المهم لمشواريك ومشاوير الاولاد،،،والله بكرة تتعبي من مشاوير توصيل المدرسة صدقيني،،،اساليني انا!!والله مرض!بكرة بتقولين ياريتني ما سقت من كثر المشاوير اللي بطيح على راسك
ما عنده يشتري سيارة مستعملة؟ يالله ما عليه! هاتوا السواقة وخليها تستعمل سيارته او اي سيارة ثانية ف البيت يعني مشي حالك،،،،
اتمنى اكون افدتك،،،،والله هذي سالفة السواقة والسيارات صعبة،،،الله يعينك،،،بس حبيبتي خلي بالك على بيتك وعلى صحتك