جارتي في مشكله وتبغى الحل
عندي جاره بيتهم كبير ماشاء الله وعندهم شغالتين اندونيسيتين وعندهم سواق اندونيسي بس ساكن بسكن بعيد عن البيت ،، المهم في يوم وهي طالعه للدوام بالعاده السواق يدق جرس البيت وهي تطلع له،،
بس هالمره السواق دق على جوالها وطلعت له ، ويوم طلعت له برا الا السواق كان جايب اغراض مرسلها ابوهم بس باب الشارع تقفل ودورت مفتاحها طلعت ناسيته بغرفتها، دقت جرس البيت اكثر من مره ماحد فتح استغربت اكبر بناتها كانت غايبه ونايمه والشغالتين ماحد يفتح الباب ،، طلعت الام جوالها تبي تدق على بنتها تفتح الباب الا وتسمع صوت شي طاح من السماء شوي الا تشوف شوكولاته ملفوفه بورقه فيها كتابه بالاندونيسي سطرين ، طلعت وحده من الشغالتين راميتها من السطح <<< وهذا يفسر عدم فتح الباب لانهم كانو بالسطح ،، وتوقعو ان اللي يدق الجرس السواق جاء فقالو خل نرمي له الرساله قبل تطلع المدام
المهم دقت الام على بنتها وفتحت لها الباب ودخلت الاغراض بالحوش ودخلت البيت لقت وحده من الشغالات وسألتها ايش هالورقه قالت مااادري قالت الام اذا جاء بابا بيخليك تعرفين ،، قامت تبكي وتقول لا تقولين لبابا وهي شوي وتركع عند رجولها رحمتها الام وقالت خل اخذها معي واشوف وش مكتوب فيها ،،،
يوم طلعت من الباب الا وتشوف شي يطيح من السماء مره ثانيه وتطالع الا وهي رساله ثانيه بس هالمره مكتوب كتابه طويله بالاندونيسي صفحتين ,,, <<< طلعت الثانيه للحين ترمي بالرسايل مادرت ان الام كفشتهم ،،،
المهم كلمت الام السواق طلع يقول انا مادري انا مافي شوف ،، والسواق من النوع الخواف لان البيت محوط بكاميرات مراقبه عشان كذا ما أخذ شي وهددته قالت له لا تاخذ ورقه ثاني مره بعدين بابا شوف من كاميرا بعدين مشكله انت ،،
بعد كذا جاتني جارتي تبغاني اترجم الكلام المكتوب ع بالها شغالتي اندونيسيه بس شغالتي فلبينيه مو اندونيسيه ،،، انا صورت الورقه عشان اعرضها بالمنتدى
وأطلب فزعتكم يا أخوات اللي تعرف تتكلم اندونيسي او عندها شغاله اندونيسيه تترجم لي الكلام اللي مكتوب بالورقات الله يجزاكم خير وننتظر ردكم بأحر من الجمر
الورقه الاولى اللي كانت ملفوفه بشوكولاته
الورقه الثانيه من الوجه
الورقه الثانيه من الظهر
انتظر ردكم وجزاكم الله خير