هوووووووووووووبا رررررررررررررررررررفع لفوووووووووووووووووووق :42:

رفع الله يرفع قدرنا يوم القيامة

شوفي ياعسل
قبل العام رحنا الطايف مع اني مااشجعك لها بس يلا دامكم عزمتم بخبرك وش سوينا
رحنا للطايف البلد واخذنا شقه 300 ريال صح كانت جديده بس حر وازعاج وقرف ولا في شي جديد
لذلك انصحك على طول للشفا
طلعنا الشفا اخذنا شاليه دورين والله اني ناسيه اسمه سامحيني اخذناه انا وزوجي
وجنبنا كانوا ثنتين من خواتي وولد اختى
الشاليه كبير يشيل علتين بالراحه دورين ومطبخ صغير
المشكله كنا مره نخاف بالليل
لان المكان مره بعيد
يعني لو نبي شي من السوق نرجع الساعه 11 للشاليه المكان والطريق يخوووووووووف مره ظلام وخلا وتحسين مافي احد
ورجعنا بعد يومين نزلنا للبلد قلنا ارحم وصرنا نطلع للشفا تمشيه بس المبيت بالطايف نفسها ليت زوجي جنبي يعطيك الاسامي والله مااعرف عندهم شي
انصحك حديقه الملك فهد وغيرها لاتروحين مافي شي يستاهل
الله يوفقكم يارب وتنبسطوووووووووون

عندك الشعله
فلل صغيرة على الطراز الامريكي طبعا فيها ملاهي ومسابح ومطاعم وحدائق خضراء وفيها ملاهي خاصه بالنساء مع مسبح
صراحه الفلل مستهلكه لكن كل شي متوفر داخلها وفيها سيارات للايجار ممكن تسوقينها داخل القريه وماشاء الله في الليل ماتشوفين غير الحريم والبنات يسوقون طوال القريه وبصراحه اهلي راحو لها اكثر من عشر مرات وماملو منها انا بالنسبه لي رحتها مرتين وطبعا اجار الفله ب750 واحياناينقص او يزيد على حسب الموسم
وعندك القريه الخضرا هذي اجدد من الشعله ونفس الشي فيها ملاهي وملاعب ومطاعم اهلي راحو لها وعجبتهم
وسعرها اقل من الشعله اضن 3غرف وصاله ب450
اذا حابه تشوفين صور للقريه الخضرا ترى لهم موقع اكتبي في قوقل القريه الخضراء وشوفيها
اما الشعله مادري اذا نزلوها بالنت اولا

عندك شاليهات القمة
كلمة رووووعه قليلة فيها