الفزعه يابنات حوووووووووووووواء

اسالي امك او جدتك او خواتك

لانه من منطقه لمنطقه تختلف الاعشاب والاستخدامات

بس نصيحه قللي من الاعشاب وكثري من الغذاء

وحافظي على نفسك من الهواء والمجهود الكبير باول الاربعين

حنا عندنا نشرب اول 20 يوم حلب يومي يامشروب او مع الايدامات او لهم

وال20 يوم الثانيه رشاد يالهم او مع تمره

وفي الصباح نشرب محوج عباره عن خليط اعشاب اغلبه مكسرات طعمه يشب للسحلب اخذته من وحده مصريه جربته مره وعجبني واستمريت عليه لانه مع حليب

اما الاعشاب الثانيه مخلطات ومردود ومعرف ايش ذي ماقدر اتحملها

اكتفي بمشروب قرفه مع زنجبيل واتغصبه بعد

والمره اشربها من فتره لفتره جرعه بسيطه اذا حسيت بالم

والكبو الي هو دخون اعشاب عشان يخفف الم الخياطه ويطرد المغص ويريح

فيه ناس يقضون الاربعين يوم كله بالاعشاب ماشالله عليهم النفس وماتقبل وفيه ناس يروح الاربعين وهم على رز وايدام لااعشاب والمشروبات

اهم شي مثل ماقلت لك التغذيه المسلوقه باول عشر ايام خبز البر الخضار الفواكه العصيرات الطازجه المشروبات الدافيه

ابعدي عن الرز المكرونه المعجنات المشروبات الغازيه الحلويات

والله يقومك بالسلامه ان شالله

اكيد البنات بيفيدونك عن تجاربهم لان كل منطقه لها اكلها الخاص بالنفااس :)

والله حبيبتي انا ناويه انزل مثل هالموضوع

عندك الرشاد...والحلبه ..والماش...

اذكر امي الله يخليها لي تحط الاخواتي مرق لحم و و و اشياء معروفه بس انا حيروني الناس مره الرشاد يقولون بالايام الاولى ومره يقولون بالاخيره ..

بس مدري متى باسجل هالمعلومات