الفزعه ياخواتي,,,,

:crap:السلام عليكم ورحمة الله وبركاته:
وشلونكم وش اخباركم ياربي تكونوا باحسن وافضل خير
انا ياخواتي قصتي قصه
راح ادش بالموضوع على طول
عمري 24 سنه طبعآ ماتزوجت بالعطله الي راحت جاء عمي من قريه وخطبني لولده الكبير
هم ناس على قد حالهم والولد يشتغل براتب 3500 وناس عايشين ولله الحمد
طبعآ انا على طول رفضت يعني الخطبه ماصارت رسميه عادي عمي جاء وقال لامي وراح
انا رفضت عند امي يعني ماكلمنا وهم مااكدو الخطبه
اخته الصغيره تدرس عندنا ودايم يابنات تمدحه فلان قال فلان سوى فلان عطاني
لين تعلقت فيه وصرت اتمنى عمي يرجع وياكد الخطبه بس لاسف ماجاء:(
الموهيم قلبي تعلق فيه وفي اهله وامه تعزني حيل وخواته كذلك :42:
وقبل يومين بس اخته قالت لي ان اخوها خطب بنت خالته بس ماتاكدو الى الان لان طبعه كتوم مااحد يدري وش عنده
وربي يابنات تقل احد صب فوق راسي ماء بارد وسكت المشكله انهم يدرون اني ابيه :44:
لو تشوفون نظرتهم لي ترحموني حتى اني على طول باركت ماابي اشوف نظرة الشفقه في عيونهم:eek:
شوي واصيح يابنات لاحد يفهم كلامي غلط وتقولون انتي رفضتيه انا قلت عند امي وبس وامي ماراحت قالت لهم
وبعدين وربي اني احبه وماقدرت اقول الا لكم تكفون لاتلومني قلبي حبه وش اسوي اقطعه غصب
عني حبيته والله يوفقه مع الي يبيها
بس انا وشلون انسى وربي اشوي اصيح لان الي زيه يشرى بماء الذهب بس الشكوى لله
اسفه على الاطاله وادري انه فيه مواضيع ومشاكل اشد من كذا بس انتم خواتي وبعض الاهل الحين مايفهمون
وصراحه فيه خوات هينا كلامهم عسل على القلب وهذا الي شجعني اني اكتب لكم معناتي
ولاتحسبون ان هذا مشكلتي وربي عندي بالبيت مشاكل تشيب الراس وهموم عسى ربي يفرجها

واخيرآ ارجو منكم الدعاء لاختي بالصبر على فقدان اعز واغلى طفله في الوجود
والله حالته صعبه وش تقولون بقلب الام الله يعظم اجرك ياام بدر
ان العين للتدمع والقلب ليحزن على فراقك ولا نقول الا مايحب ربنا ويرضى ان لله وانا اليه لراجعون