السلام عليكم ورحمة الله ،
نفس الخوات الممرات والأماكن المفتوحه ع الممرات نفس الصاله وغيره كلهن صبغيهن لون وااحد ساده،
غرفة البنات صبغيها لونين مخطط عريض بس لونين فاتحات جدا يعني مثلا .. أبيض ولون بيج فاتح .. أو أبيض ودرجة أبيض أغمق عنه شوي .. بحيث إنه الجدار يكون فااتح مش قوي .. لكن فيه حركه ناعمه .. ودخلي الوردي فالستاير والاكسسوارات .. لا تغلطين وتصبغين الغرفه وردي أو شي بعد فتره ينكره وكتمه
مجلس الحريم .. اتجهي اتجاه ناعم .. مثل الذهبي الفااتح ع البيج .. حلو ورق الجدران اللي فيه لمعه خفيفه ملمسه مش ناعم ناعم فيه شي بارز شوي .. لكن اختاري لون فاتح نفس البيج ع الذهبي جدا راقي ، وهاللوان ما بتقيدج يعني تقدرين تحطين أثاث من البنفسجي ، أزرق ، أخضر ، بيج .. أي لون قماش للكراسي بيمشي وياه .
ولو جد محتاره حالياً أنصحج تشوفين الأثاث وتجمعين أفكارج عقب تقررين فصبغ ميلس الحريم . لانه ما ينفع أجزاء .
وغرفتج نفس الشي فكره شو ستايل الغرفه ؟ تريدينها فخمه ؟ .. ناعمه وهاديه ؟ .. حطي فبالج نوع أثاث و3 ألوان ع الأقل ... عقب ابدي .. يعني سوي لوحه أفكار وبيسهل كل شي
بالتوفيق

الله يجزاكن خير ي رب باخذ بافكاوكن كلها والله ييسر ي رب
نغمم الله يسخر زوجك ي رب ويوفقكم بحياتكم ويخلي لك بنتك ويرزقك الولد الصالح ي رب

بالعكس اللحين راجعين للساده

ولورق الجدران
شوفي بالاستقرام فيه حسابات ديكورات وبويات يجنن

خليك ع الساده وبدعي بورق الجدران

اخذيها مني نصيحه خلي لون بيتك لًون واحد وشوفي لون سمايك ايفوري يمكن يعجبك من درجات البيج الفاتح
حطي ثلاث جدران واللي في الواجه او خلف البلازما خليه ورق جدران
وغرفة بناتك بعد خليه ساده وخلفية الاسره ورق جدران
وعلميهم يحافظون عليه
لان المقلم والمموج بدأت تنحسر واتجهو لورق الجدران والبويات ساده بدون نقشات او تقليمات
وركزي على نوع الصبغه اخذي نصف لمعه بلاستيك
حتى لو اقنعك العامل بربع لمعه ارفضي
انا اقنعوني بربع لمعه بلاستيك تجي مطفي مره
صحيح يعطي فخامه للمجالس
لكن ابد ماتنفع للبزوره والاطفال تتطبع ايديهم وتتوسخ بسرعه ومتعبه بالتنظيف
اخذي نصف لمعه وانتي مغمضه
والله يسهل لكم ويعييينكم وتسكنونه وانتم بصحه وسلامه