الفزعه يالسنعات عجزت انظم

مرحبا


قلت مالي الا بنات حواء اسدح عندن المشكله بلكي الاقي لي حل



اولا انا موظفه اروح الدوام الساعه 7 ونصف وارجع الساعه 4 او 4ونصف

غداي اخذه من اهلي او من المطعم


المشكله اجي مهدود حيلي من الدوام لان كل وقتي واقفه وانا معي الم بظهري ورجلي بسبب هرمون الحليب:06:
ماعندي اطفال
بيتي يتكون
من مجلس وصاله وغرفه نوم وغرفه داخليه مانجلس فيها وحمامين خارجي بالحوش وداخلي ومطبخ


احنا اكثر شي نجلس بالصاله
وشكلها دايم معفوس ولو مهما نظفتها ومسحتها ماتكمل ربع ساعه الا وهي معفوسه

للمعلوميه لازم الشاي والقهوه 24 ساعه وهذا اللي سبب الحوسه
كاسات وفناجين وكل ترمس بديره
المطبخ انظفه والمعه بس يجي اليوم الثاني الا وابريق الشاي والقهوه وصحون الاكل واكياس

المشكله اني ساعات انام بعد الدوام وساعات لا

واكثر وقتي عندي ضيوف او طالعه يعني مافضي بس مشغوله
ويوم ارتب جدول اتعب

تخيلو ماقمت اهتم بزوجي ولا اتكشخ له كل همي التنظيف


ويوم اتعب يقول شوفي فلانه 24 ساعه بيتها مرتب وهي مو موظفه ولا عندها اطفال



هو طيب ويساعدني ويبخر البيت اذا جونا ضيوف ويرتب معي بس انا مابيدي شي


ابيكم تعطوني جدول بسيط ارتب فيه البيت بدون حوسه




ياليت الاقي عندكم الجواب الشافي وشكرا