الفزعه يا اهل سوريا

معقوله وينكم يا اهل سوريا
محد رد ولا جبر بخاطري
وين بنات حواء
كذا زعلتووووووووووووووووني

اهلا وسهلا عزيزتي محتاجة
اكيد ماحدا انتبه للموضوع من السوريين ولو انتبهوا ماحدا بيقصر معك ان شاء الله
المدارس الموجودة بالشام كلها منيحة تقريبا
الباكستانية _دمشق العربية _درار السلام _
وفي كتتير مدارس بسهدول الي متذكرتهم هلأ ههههههه :35: بس افضلهم الباكستانية
الفصل الاول بده حوالى لسى شهرين تقريبا او اكتر شوي
وبالنسبة للمجمعات في حوالى 4 مجمعات بمناطق مختلفة
وهلا عم يتم فتح مجمعات جديدة ان شاء الله بتزوريها :27:
وبالنسبة للتسوق بسوريا كتيييييييييير حلو فيها اشياء حلوة جدا :39:
واى سؤال انا جاهزة حبيبتي :27:

أهلا و سهلا فيكي بسوريا أولاً

ثانياً بالنسبة للمدارس يعتمد على شو عم تدوري.. يعني بدك مدارس أجنبية و لا مدارس إسلامية

بالنسبة للمدارس الأجنبية, نصيحة لا تقربي من الباكستانية و لا من الأمريكية ..صح إنو المنهاج رائع و قوي جداً بالانجليزي و القسط غالي نار لأن التعليم ممتاز.. بس المستوى الديني صفر.. يعني الطفل بيروح ما بيتعلم و لا شي عن الاسلام و معظم الطلاب من عائلات متحررة جداً و في عندهم تسيب مو معقول بالمدرسة

عندك الشويفات أهون شوي و في مدرسة كتير عم بمدحوا فيها إسمها ليتل فيلج Little Village

و عندك المدرسة الوطنية السورية صايرة وسط ما بين المدارس الأجنبية و المدارس العربية.. يعني ما فيها التسيب الموجود بالمدارس الأجنبية

و نصيحة من أخت لو بدك أولادك يدرسوا بمدرسة إسلامية مية بالمية و يطلعوا من حفظة القرآن الكريم, عندك مدرسة دوحة المجد بأبو رمانة.. يمكن ما تعجبك المدرسة لأنها مو متل باقي المدارس كبيرة و فيها ملاعب و تجهيزات.. بس منهاجهم ممتاز و المدرسات ما شاء الله متدينات و أسلوب تربيتهم للأطفال رائع..


بالنسبة للمولات, صار في كتير مولات.. وين ما بتروحي مولات... مول كفر سوسة, و مول السكي لاند بطريق المطار و التاون سنتر على طريق درعا و السيتي مول بالمزة و أسواق الخير

بس أرقى مول هو البوليفارد بجانب الفورسيزون.. و طبعاً أسعاره نار

و أي سؤال تاني أنا حاضرة..

موقع المدرسة الوطنية السورية الخاصة
http://www.alwataniah.net/arabic/index.php

موقع مدرسة ليتل فيلج
http://www.littlevillageschool.com/ar.home.php

مدرسة الشويفات
http://www.iscdamas-sabis.net/

و هي مدرسة جديدة أول مرة أسمع عنها, تعتمد المنهج الأمريكي
http://www.dcssyria.org/

ياارب يوفقكم ويفرج عنكم مثل مااااسعدتوني
انا أن شالله ابجي الفصل الثاني
وبدي اعلم اولادي الانجليزي واهم شي الدين طبعآ انا ما افكرهم ادخلهم مدارس اجنبيه
طيب ياريت تعطوني بتاريخ أمتي يبدا الفصل الدراسي الثاني