الفزعه يا بنات الكويت

حبيبتى دلوعه يعتمد انتى تبين بدله بحدود جم سعرها علشان اقولج وين تروحين

يعنى تقريبا من العشره الى الخمسين دينار

دلوعه عشر دنانير مستحيل اتلاقين فستان بهالسعر بس من خمسين الى سبعين راح اتلاقين فى مجمع العثمان بحولى اغلب المحلات اهناك صارت اتبيع فساتين سهره واسعارهم وايد معقوله وحلوه

وممكن اتركبين قطع وايد بنات قاموا يسوون جذيه هالايام روحى سوق شرق او الفنار راح تلاقين فى المحلات تنوره وتوب كوكتيل وشال كل واحد بروحه انتى ركبيهم راح تطلع بدله وايد وايد حلوه وبسعر معقوله ... انا من يومين كان عندى استقبال سويت جذيه بدلتى ماكلفتنى خمس واربعين دينار بس كانت عجيبه وايد حلوه واغلب المحلات هاليومين مسوين تنزيلات وحتى من غير تنزيلات هم هالقطع رخيصه عندج بعد دبنهامز ومونسون فى سوق شرق عندهم بدلات حفله وسعرها معقول

لحظه لحظه دلوعه لقيتلج بدل بعشر دنانير ...بنت خالتى تقول اكو بالسالميه مقابل المحاميد ناحية اللفه اكو بدل سهره ارخص من خمسين تقول محل المحاميد على اليمين واهوه المحل على اليسار .. بس ماعرف اوصف اكثر من جذيه لانى من زمان مارحت السالميه سامحينى

ياقلبي مشكووووووووره تعبتج معاى