الفزعه يا بنات طباخي صاير مب شي وزوجي كاسر خاطري

أولا : سلامتها البنوته الف سلامة وما تشوف شر



حبيبتي الدياي اول اسلقيه بالضغاط .... ولما يبدا يغلي خليه 20 دقيقة وبندي النار عليه ... وخلي لين البخار كله يطلع افتحي القدر وطلعي الدياي وقطي اربع او ثمان او خليه كامل برايج بس اذا بغيتيه كامل ما يتقطع لا تخلينه على النار بعد الغليان اكثر من ربع ساعه وكله على حسب وزن الدياية اذا كبيرة تحتاج عشرين دقيقة واذا صغيرة عشر دقايق يكفيها .....

وسوي على النار بصل حمريه عدل مع فلفل حلو وفلفل حار وبقدوني وسوي شوي بها رات وملح وماجي وشوية ماي وخليه يغلي شوي وبعدين اغرفي من الخلظة ورشي على الدياي ودخليه الفرن اللي لازم يكون حار من الأول وخليه النار اللي فوق هي اللي شغالة اول ما يحمر من فوق على طول طلعيه وحطيه في صحن وغلفيه بقصدير حتى ما ينشف وعليكم بالعافية


ممكن تروحين قسم الطبخ بيفيدونج اكثر

ان شاء الله البنات يساعدونج


والله يشفي بنتج ويحميها


بخصوص الدجاج أذا مقلي أذا حطيتية على النار تكون الزيت بالبداية قوية بعدين قصري النار وغطية



اما اذا بالفرن اشوي الدجاج عادي وعندما ينتهي من الشواء خوذي بيلة ما ء أو 2 بييلة وكبيه على الدجاج ثم قصدرية ثم رجعية الفرن لحد ماينشف الماء تماما .


هذي طريقتي بالدجاج عشان مايكون قاسى

والصالونه أذا كانت بايدام لتكثرين الماء والبهارات خليها مقدار ملعقة أكل مشكلة انتي مسويتها من الهار والليمون الاسود والدرسين واللي تبين من البهارات

وحطي قطعة ماجي ومعجون الطماط .




والله يوفقج ويستر عليج ويسخر زوجج لج

بسومه وسمرا حنه تسلمون ربي يوفقكم ويسعدكم آآآمين