للر فع

وعليكم السلام ورحمة الله وبركاته
ماشاء الله تبارك الرحمن
اهنيك بالوظيفه واهنيك على حماسك ماشاء الله ذكرتيني بنفسي
انا درست حاسب سنتين وهالسنه جالسه انتظر يجددون عقدي
حبيبتي في البدايه كل شيء صعب او ل حصه ثاني حصه ثالث حصه بعدين راح يكون كل شيء طبيعي
عشان كذا لازم تركزين عالحصص الاولى لانها هي الاساس اللي بيمشون الطالبات معك عليه طول العام
لاتشدين الحبل وتذكري هالمثل لاتكن لينا فتعصر ولا تكن صلبا فتكسر <<<فيما معناه

اول شيء حطي ببالك انهم بنات كبار وخوات لك قبل كل شيء (وهالشيء بيخليك ترتاحين)طبيعي بتلاقين فيهم الزينه والشينه الشاطر واللي لك عليها الهاديه والمزعجه
حاولي تتعاملين معاهم بهدوء وبأريحيه مهما كان لان نفسياتهم تختلف وخصوصا انهم في فترة مراهقه
ولايرتفع ضغطك مهما صار توقعي اي شيء

بالنسبه للدروس
شوفي انتي حاسب يعني اكثر حصه بيلاقون متعه فيها
حاولي تخلين دروسهم بالمعمل قد ماتقدرين سويها بالباوبوينت او اي برنامج خلي فيها نشاط وبيصحصحون معك طول الحصه تعاملي معهم من خلال الشبكه اصلا هم راح ينبسطون مافيه شخص مايحب التطور انا كنت اعطيهم النظري بالفصل شوي وينامون علي

اذا لاحظتي انهم يشتغلون عالاجهزه ويتركونك قفلي الماوس والكيبورد من الشبكه او اطلبي منهم يطفون الشاشات (الشاشه فقط)

حبيبتي دفتر المتابعه معك على طول وذكريهم ان فيه اختبار نظري واختبار عملي ومو بسهوله يجيبون درجات في الاثنين هم بيخافون وبيحاولون يركزون معك

عندي اشياء كثيره ودي اقولها لك بس والله معاد اقدر افتح عيوني

اي مساعده انا حاضره وباي وقت ارسلي لي خاص وانا تحت امرك:26::26:

بالنسبه للدفاتر ان كنت اخليهم يجيبون دفاتر عاديه
بس كنت على فترات اعطيهم الواجب شيء يحسونه بالبيت على سيدي ويجيبونه لي

وهذا شيء راجع لك انتي
لكن طالباتي بعضهم ماكان عندهم اجهزه بالبيت كنت اطلب منهم يجون باي وقت فراغ ويسونها بالمعمل

بالنسبه للي مايشاركون
شوفي لا تبدين بنت على حساب بنت اكيد بيكون فيه فروق فرديه بينهم حاولي توفقين بين مستواهم اللي ماتشارك قوميها حتى لو ماترفع يديها
واللي مستواه متدني مره خليها تجيك باي حصه تكون فاضيه فيها واشتغلي معاها شوي شوي ولا يكون اجباري انها تجيك لا براحتها انتي اعرضي عليها هالشيء وهي بكيفها اذا تبي تتعلم اكيد بتجي لان فيه بنات مطنشين لكن انتي بري ذمتك بهالشيء مع انك مو مطالبه فيه لكن لوجه الله وابراء للذمه


ومثل ماقلت لك اي مساعده ارسلي لي خاص عشان اكون معك لا احتجتي شيء ابشري من عيوني

[

موضوع حلو

انا كمان معملة حاسب و هذه اول سنة ادرس فيها ثانوي و حابة استفيد من تجاربكم

ياريت الى عندهم اي اضافات او نصايح يقولها لنا

و الله يوفق الجميع ان شاء الله