الفشل في الدراسه!

السلام عليكم...



أنا عندي مشكلة كبيره بالدراسه...


ملاقية صعوبة ...



أنا قبل كنت متفوقة لحد صف ثالث متوسط ....بعدين بأول ثانوي نزل معدلي 180 درجة


من بعد ما كنت أجيب 97% ....و 98 % .....صرت أجيب بالثانويه بالثمانين مره وحده!


أعترف اني أهملت دراستي في سنة اولى و ثاني ثانوي ...بس بثالث...صرت أحاول أتعب ... أبي أركز مو قادره!..


و لهذا بعد ما انهيت الثانوية ...دخلني الوالد جامعه خاصة على حسابه الخاص....

درست سنة كامله انجليزي...تقوت انجليزيتي صحيح...و عديت هذه المرحلة ....بس بدرجة أيضاً سيئه!


و تخصصت تخصص Banking & finance.... و هنا بدأت الصعوبة الكبيره بالدراسه....مو قادره أعدي المواد و حتى إذا عديتها أعديها على الحفة...


و الله العظيم اني أحضر المحاضرات و اسجل و أذاكر أول بأول لدرجة اني صرت أسجل المحاضره و أرجع أسمعها مره ثانية عشان أثبت التلخيص.... و أسوي كل واجباتي و البرزنتيشن !

بالبرزنتيشن ....اشتغل شغل ... و اذاكره كذا مره ...بس بوقت العرض أرتبك!.... و أخسر درجته!


بس بوقت الكوزات و الامتحانات ما أعرف أحل شي!.... أقرأ السؤال و كأنه أول مره يمر علي! ..... و بعد ما أستلم نتيجتي أشوف علامة الرسوب! ....هالشي تكرر بـ 4 مواد بالجامعه و انا حالياً بسنة ثالثه! ... و خايفه اني أحرم من الدراسه اذا ما جبت معدل عالي هذا الترم ...





و ربي مقهوره من حالي!.... أبوي يدفع لي عشان دراستي و انا أحاول قد ما أقدر اني أنجح فيها ...بس مو قادره !...



بالإضافة نفسيتي تعبت من درجاتي و صرت انطوائيه ...دائماً أقعد لوحدي....العام كان عندي صديقة وحده بس الحين علاقتي فيها قلت .....ماصار عندي صديقة مقربه هنا....عندي صديقات بس ولا وحده مقربه او تفكر انها تسأل عني... مع العلم اني ادرس بره المملكه




ما ادري إيش أسوي!


:(:(:(