السلام عليكم ورحمة الله وبركاته ..
كيفكم حوائياتي الغالياات ..؟؟ أتمنى تكونون بأتم صحه وعافيه
كتبت موضوعي من واقع تجربه ,والتجربه خيير برهان لولا التجارب ما عرفنا الصح من الغلط ..
خلاصة الكلام أني اتكلم مع زوجي كلام من باب الفضفضه ولما يزعل يعايرني فيه ..
ولو بعد سنين ..بصراحه أنقهر واتحسف أني قلتله السالفه ,وبعد مده..
يحدني الزمن ارجع للفضفضه
من جديد لسبب وحيد انه دايما" خشته بخشتي والسفر بالسياره وطول الطريق والزهق يخليني
اتشكى من بعض المواقف اللي تحصل معي وهو يتفاعل معي ويعطيني حلول ويقول لي اسمعي
منا وطلعي منا يعني كلامه يريحني شوي .....
بس تعالوا شوفوا لما يزعل تصير علوم ومطور بعد.. ويقعد يعايرني بالمشكله اللي قلتها له
يآني أتحطم تحطييم ...
ونفس الشي لما اسوي حركه من غيير قصد يسوي نفسه ماكأنه شايفني عشان تعدي وماتصير مشكله
بس لو يكمل جمييله كان ياسلام ..لا لما يعصب ولا يزعل من شي يدخل الحركه اللي من شهور بالسالفه
ويعايرني .
الشاهد من هذا كله وشو الموقف اللي عملتيه أو كلام قلتيه بعد مده وهو زعلان عايرك فيه
أعتبروها فضفضه أو من باب تفادي الغلط اللي يجر الى مشكله .
أنا راح اقولكم بس بعد التفاعل ..!!
يلزم عليك تسجيل الدخول أولًا لكتابة تعليق.
ايه صح احيانا الفضفضة تنقلب علينا ساعات اقول له فلانه مثلا زعلانه من زوجها مايطلعها وتصير مشاكل بينهم من هالنقطة
انا على بالي انه ياخذ حذره ولايسوي مثل زوج فلانه وتالي اذا بغيت اطلع مكان معين وزهقان يوديني وازعل يقول لي
شوفي فلانه زوجها مايطلعهاابدا وانا اطلعك بس علشان هالمره ماطلعتك زعلتي انتي احسن من غيرك بس مايعجبك العجب
وتنقلب السالفه ضدي
انا على بالي انه ياخذ حذره ولايسوي مثل زوج فلانه وتالي اذا بغيت اطلع مكان معين وزهقان يوديني وازعل يقول لي
شوفي فلانه زوجها مايطلعهاابدا وانا اطلعك بس علشان هالمره ماطلعتك زعلتي انتي احسن من غيرك بس مايعجبك العجب
وتنقلب السالفه ضدي
والله انك صادقه فضفضي للي تثقي فيه انا صارت معي كثير وحلفت لو اموت من الهم ما اقوله شي مافيه خيرالي يسوي كذا
الصفحة الأخيرة
زوجي مو من النوع هذا