الفطام و تحجر الصدر ورفض الحليب .. ساعدوني

السلام عليكم ورحمة الله وبركاته

اتمنى تساعدوني في مشكلتي
انا فطمت بنتي ولكن للاسف مش بالتدريج لاني ماكنت اعرف كيف
البنت عمرها سنة و 4 اشهر وتعبتني ماتاكل ابدا الا وجبه صغيره جدا جدا في اليوم و تظل طول الليل والنهار ترضع لدرجة صرت اتهاوش معها وكانها عدوه .. صرت عصبية واتنرفز واضربها .. فقررت افطمها حفاظا على مشاعري ومشاعرها .. ولاني ابيها تاكل

مدة 3 ايام قللت الرضاعه
وكانت ايام مريحه جدا لدرجة تعلقت فيها صارت ظريفه و اقدر العب معها بدون ماترضع
بعدها قطعتها نهائيا مدة 3 ايام
والحين اعااااااااااااااااااااااااااني
النفسيه الله لا يوريكم الم و تحجر بالصدر قاتل
والم الدورة معاها .. ياسلام لما يجتمعون :hahaha:
والبنت اكلها قليل وسئ جدا
تاكل (شيبس علشان تنام وباقي اليوم تاكل بطاطس مقلي او اندومي )
سؤائل تشرب قليل من الماء قليل جدا و قليل من العصيرات اللي ماتفيد بشي
اما الحليب اذا جاء بفمها تغص و تبصقه تكرمون وتحسون كانها بترجعه
جربت اللبن والحليب بكل نكهاته ومافي فايده

طبعا رفض تام للكاسات بمزاز وللرضاعه بجميع اشكالهم


اتمنى تعطوني من وقتكم وتساعدوني في هالمشكلة
والله ماعدت اقدر انام ونفسيتي زفت
لكن قطعت مشوار مااقدر اتراجع لازم اكمل
وفي الليل تقعد تصيح وتنام بدون لا تشرب حتى ماء واحيانا تقبل تاخذ شيبس تاكله وتنام ..


طبعا من هي صغيره ماتاكل وكل شي ماتحبه ماعدا الرز (واحيانا ماتبيه ) و تحب البطاطس المقلي فقط و الخيار



ساعدوني في التحجر و في اكلها القليل والاهم كيف اخليها تحب الحليب ؟
وهل حبوب تنشيف الحليب خطره ؟
وهل استخدام الشفاط ينفع ؟ وكم مرة وكيف بالتفصيل .؟
وكم المدة اللي راح تنفطم فيها بنتي وتشوف صدري وماتقول تبيه . ؟ ومتى يجف الحليب من صدري ؟


الله يعطيكم العافيه مقدماااااا ويسهل عليكم فطام اطفالكم .. :04: