اليوم جبت لكم وصفه سهله ولذيذه وهي الفطيره الفرنسيه
نجي للمقادير؛؛؛؛
4حبات بيض
4 ملاعق كبيره كلا من(جبنه سايله_وحليب بودره)
2ملعقه مايونيز
بيالة ماء
بيالة زيت
نص بياله سكر
كاس وربع دقيق ابيض
ملعقة طعام بيكنج بودر
ملح وفانيلا
حبه فلفل رومي مقطعه(انا ماحطيته زوجي مايحبه)
جزر مبشور
كزبره مفرومه
للوجه:علبة جبنه كرفت وسط مبشوره(انا اضفت معاها جبن موزريلا لاني احب الجن)
كزبره مفرومه
جزر مبشور
زيتون اسود
حبة البركه+سماق<<<مااضفتهم..
لاتشوفون المقادير كثيره وتقولون صعبه تراها مرره سهله والاهم انها لذيذه
الطريقه::
في زبديه حطي البيض والمايونيز والجبن السايل والزيت والماء والسكر والفانيلا والملح والحليب وتخلط بخلاط الكيك حتى تتجانس بعدين حطي الدقيق بالتدريج وبعدها اضيفي الفلفل والجزر والكزبره وحركيه بالملعقه مو الخلاط بعدين حطي البيكنج باودر واخلطي بالملعقه زين
بعدين صبي الخليط في الصينيه ولا تنسين تدهنين الصينيه بشوية زيت<<<نسيت تدهن الصينيه بس الحمدلله عدت على خير
بعدين رشي عليها الجبن المبشور والزيتون والجزر والكزبره والسماق وحبة البركه
ودخليها الفرن من تحت تقريبا ثلث ساعه اولين تحمر من الجوانب على نار متوسطه وبعدين حمريها من فوق...
وقطعيها وقدميها مع الشاهي لذيييييييييييييذه مررررررره
وبالعافيه مقدما :27:
