قبل كده عملت الفطير السويدي قبل رمضان اللى فات وقدمته قريب فى إذاعة مونت كارلو بس كان حادق المرة دى عملاه حلو ولإن العجينة مفيهاش ملح او سكر فينفع حلو وحادق
المكونات:
4 كوب دقيق
كوب ونصف زبدة طرية(بدرجة حرارة الغرفة)
2 ملعقة صغيرة بيكنج بودر
ماء للعجن
بيضة وفانيليا لدهان الوجه
فستق مطحون
عسل نحل
الطريقة:
فى اناء هنحط الدقيق والبيكنج بودر ونخلطهم ونضيفلهم الزبدة
ونفرك الخليط ده كويس بإيدينا او فى العجانة لغاية الزبدة ماتدخل فى كل كمية الدقيق وهيبقى عامل زى حبات الرمل
وهنضيفلهم ماء العجن بالتدريج
وهنعجنها لغاية مالعجينة تبقى قطعة واحدة وهتكون طرية وناعمة
ومش محتاجين نسيب العجينة دى ترتاح او تختمر هنشتغل بيها ع طول
هنبدأ نفردها على دقيق عشان نشكلها وهنقطعها بأى قطاعات متوفرة عندنا
ونرصهم على صينية مدهونة وندهن وشهم بالبيض المخفوق والفانيليا
وهندخلها فرن متوسط الحرارة ومسخن مسبقا لغاية ماتستوى ووشها يحمر ولما نطلعها وتبرد هندهنها بعسل النحل ونرش عليها الفستق المطحون
وعارفة ان الكل هيسئلنى هى العجينة دى مفيهاش خميرة؟ايوة عجينة الفطير السويدى بالبيكنج بودر ومفيهاش خميرة وطعمها حلو اوي
وده الشكل النهائي للفطاير
وبالهنا والشفا
تسلم ايديك وربي يعطيك العافيه