شخباركم بنات .. ويييييييي من زماااااااااان ما شفتكم وينكم ما تسالون علي .. ( اللي يقول اتعرفوني ) :icon33:
المهم وانا احوس واسال المفتي غوغل عن بعض الامور وعن بعض الاكلات لقيت موضوع للاخت ثلج وهالموضوع قديم تسأل عن الفالوده الايرانيه .. فقلت لنفسي بسويها وبحطها بالمنتدى وما اعرف اذا الاخت ثلج بعدها بالمنتدى ولا لا .. لاني من زمااان ما دشيت هني .. اتعرفون شغل البيت ما تخلص ..
هني موضوعها وهي تسال عن الفالوده
http://forum.hawaaworld.com/showthread.php?t=829045
انزين سواءا هي موجوده او لاااا .. بحط الطريقه بس احب الفت نظركم الى شي .. ان الفالوده اللي مكوناتها قشطه وحليب وفواكه وجيلي وايس كريم ترى هاي مب فالوده ايرانيه .. هاي فالوده متطوره هههههههههه يابوا الشعيريه وطوروها .. اما الفالوده الايرانيه بس مكوناتها ماي وسكر والشعيريه وهالشعيريه قاسيه اشوي ويبيله طبخ ومسوينه من الارز ..
يالا على المقادير
مثل ما تشوفون باكيت شعيريه و سكر .. انا حطيت 4 اكواب ماي + 4 فناجين شاي سكر + باكيت شعيريه
وهني صورة الشعيريه للي ما يعرفونه
اوكي .. انا ما انصح تتبعون نفس مقاديري لانه كل وحده وذوقها بالاكل .. بس لو تحبون زودي في الماي بمقدار كوبين عن مقاديري و السكر على كيفكم . وخلي السكر يذوب بالماي وعقب حطي الباكيت بالكامل من غير ما تكسرينه
وخليه يغلي على درجة حراره عاليه وبعدين خففي الحراره
وخليه لين يستوي حوالي ربع ساعه لعشرين دقيقه .. راح اتشوفين انه لان بسرعه وصار لين نفس الشعيريه بس لاتسكرين عليه اول شي اطعميه .. يعني هو صح لين بس طعمه بعده ناشف واتحسين بانه خام مب مستوي .. اذا شفتيه مافي ماي زودي ماي علشان يغلي .. لاتخافون ما بينهري حتى شكله نفس النايلون ..
وبعد ربع ساعه او عشرين دقيقه حاولي اتحركينه بالملاس او الملعقه واتكسرينه بحافة الملعقه مع جدار الجدر .. او اضغطي عليه عشان اتكسرينه
وبالاخير حطي على قد ما تحبين ماي ورد .. او ماي ورد وماي زهر مع بعض ..
وبعدين سكري عليها لين ما تبرد .. وحطيها بعلب وعلى الفريزي 6 ساعات او سويه بالليل لين ثاني يوم .. لازم يتجمد ..
وبعدين طلعيها من الفريزرررررر .. خليها اشويه بره .. عشان تقدرين تاخذين منها واتغرفينها في الكاسات مالتج ..
بس لاااازم اتكون مثلجه .. ويوم تبين اتقديمنها .. رشي زعفران .. او خففي من الاول السكر وعقب رشي عليها شيره بالزعفران وعصير الليمون . او شراب الورد اللي يشبه الفيمتو .. بس الاحلى بالليمون وشيرة الزعفران ..
وهني الصور الاخيره
وعلى قولة بعض البنات هني .. هالموضوع متعوب عليه ونبي نشوف التطبيق .. طبعا اذا عجبكم
والى اللقاء في الحلقه القادمه ...
