الفـــــــــــــــــــــزززززززززززززززعة يابنات الامارات

لسموحة أنا من بوظبي مب دبي .. وما أدل شي في دبي ..
ان شاء الله بيدلونج بنات دبي ما يقصرن ..

حياج الله يا اختي في الامارات .. مع انها تلبس ثوب الحداد على الوالد الغالي ( بابا زايد )
المراكز الراقية التي تجدين فيها المحلات العالمية :
مركز وافي - مركز برجان - مركز ميركاتو - مركز الغرير - ابراج الامارات - مركز البستان -ديرة سيتي سنتر - مركز الواحة - مركز شاطيء جميرا هذا اللي اذكره
مراكز البيع بالجمله كثيرة اسألي اي سواق تاكسي .. مثال سوق نايف - سوق مرشد
اما بالنسبة للدخون الراقي ودهن العود بتحصلينه في المراكز اللي ذكرته اول شي .. المحلات ( الحرمين - الرصاصي - أجمل - ياس للعطور - الخ
مراكز الترفيه : وندرلاند - حديقة الالعاب المائية - حديقة الحيوان -
اسمحيلي انا مب مركزة اليوم بس اتمنى اكون افدتج

هلا اختي
أنســـــــــــتازيا
عظم الله اجوركم
ومشكورة على المرور

1) المراكز الراقية والكبيرة واللي فيها ماركات بشكل كبير

1) ديره سيتي سنتر
2) برجمان (هذا تخصص ماركات عالمية مثل لويس فيتون، شانيل، تود، كريستيان ديور)
3) وافي سيتي

4) ابراج الامارات ، عبارة عن برجين ضخمين، برج فندقي والبرج الثاني فيه مكاتب ومطاعم وبوليفارد للتسوق
والبوليفارد فيه شوية ماركات عالمية مثل: جوتشي، ارماني (وايد كبير)، ايف سان لوران، شوبارد، اجمل للعطور (المعرض المتميز)، داماس (المعرض المتميز)، جيمي شو ،، وبعد فيه محل ماي فير ليدي (سيدتي الجميلة) اللي البنات طايحات عليه علشان توقيعهم ،،، ههه

انا اقول احسن تنزلين في الابراج ،،، او شقق ديره سيتي سنتر ،،، منها سكن ومنها تتسوقين اكثر
بس السيتي احسن لانج بتمين داشه طالعه في هالمركز اللي بيعور راسج من كثر الناس اللي ايونه والاشياء اللي فيه من مطاعم وسينما ومحلات والعاب

بالنسبة للشيل بالجمله ،،، والله مدري
بس في معظم مراكزنا بتحصلين محلات شيل ،،، وفي عندج مركز بوهيل ،،، هذا تخصص شيل وعبي ،، في بعض النا ما يحبونه لانه ما فيه ماركات واسعارهم ارخص بوايد عن الماركات ،، وعيبهم انهم مب دايما اتحصلين تصاميم يديده ،، بس ممكن اتروحين واتجربينهم ،،، ايقولون انه كبروه وفتحوا محلات يديده وبعضها غالي


العود والبخور بكل مكان وبكل المراكز بتحصلينهم ،، الرصاصي واجمل والقرشي والعربية

تدرين ،،، ممكن اتدشين مواقع هالمراكز واتشوفين بنفسج ،، دوري على اسماء المحلات اللي عندهم

دشي موقع mydsf وروحي قسم التسوق

اول شي عظم الله الامارات واهل الامارات بفقيدهم وفقيدنا الغالي الشيخ زايد رحمة الله عليه
وشكر ثاني للاخت مرمر لانها طرحت هالموضوع بالصدفه وانا بالعيد راح اكون بالامارات واكيد بشوفج بس ماراح اعرفج :)))
والشكر الاخير للاخوات اللي مرو على الموضوع وعلمونا الاماكن الزينه الله يعطيكم العافيه واترككم برعاية الله