الفلفل الأخضر الحار

وعليكم السلام ورحمة الله وبركاته

بالنسبه للطرق تتشابه ولكن يميزها إضافاتك عموما بعطيك طريقتي اللي اسويها دايم ..

المقادير والطريقه:

-قرون فلفل احمر او اخضر
-طماط
-ثوم
بصل
-زيت زيتون
-فلفل حلو+كزبره
-ملح +بهارات مشكله واضافات مثل (شوي زنجيل,اوريقانو,قشر ليمون)

افصلي راس الفلفل وقطعيه بشكل طولي وفرغي الحبوب خلي شي بسيط بس
قطعي الطماط والبصل وفص الثوم اقطعيه نصفين عادي والفلفل الحلو ورزمة كزبره واضيفي الملح والبهار إلخ...
افرميهم فرم ناعم أو مجروش بالآله وحطي في قدر عالنار زيت زيتون تقريبا م ك وأكثر شوي ولما يحتر اضيفي الدقوس وخليه يطبخ ع نار هاديه تقريبا ربع ساعه ولوحابه تزيدين شوي ما بس افضل بدون وطفي عنه ولما يبرد حطيه ببرطمان مدهون بزيت زيتون حتى مايعفن

2
في قدر حطي زيت الزيتون وثم البصل والثوم والطمام والفلفل الحلو وقلبيه سوا وحطي اضافاتك وثم الكزبره قبل تطفين عنه وخليه يتسبك ربع ساعه ع نار هاديه ولما يبرد اجرشيه بالآلة او فرم ناعم

وفيه طريقه للفلفل الاخضر الحار لذيذه مع الرز خاصه السمك والصياديه

في الخلاط قرون فلفل حار اخضر +ليمون بقشره+زنجبيل+ملح وشوي ما وتتاكل زي سلطة المطاعم بارده بدون نار

*اللي يخليه حار هو حبوب الفلفل كل ماطلعتيها كل ماصار أقل حراره وبإمكانك تذوقينه لو بارد شوي اضيفي فلفل بالحبوب

دعوااتك ربي يسعدك ولو عندك استفسار برد عليك بحول الله

سنبله ! ألف شكر لك يالغالية طريقة عمل الفلفل راااائعة ومشهية بإذن الله أجربها،ربي يسعدك ويوفقك ويحقق لك كل ماتتمني ويجعلك من سكان الفردوس الأعلى ويفرح قلبك ويمنحك الراحة والرضى والطمأنينة دائما وأبدا.

لا اله الا الله سبحانك اني كنت من الضالمين

ياحظ ابتسم شوي:ربنا يبارك فيك.

شكرااااا
كلي ايس كريم وترووح حرارة اللسان معلومه ذي قرأتها زمان