فتاة سورية :

اختي الله يهديك عمره 9 سنين لساه طفل ........يمكن انتو معتبرينه صار كبير ......... بس هو لسا طفل ........محتاج للحب والحنان والرعاية متل ما قالوا لك الاخوات غيروا اسلوبكم في التعامل معه ... واذا كان ابو العيال مو راضي يغير اسلوبه ...شي يوم اجلسي معه لما يكون رايق وكلميه بهدوء واشرحي له بهدوء كيف ان الولد صار ما يتاثر وكيف لو غيرتوا معاملته ان شاء الله رح يتاثر اهم شئ لا تقولي لابو العيال انك قراتي هذا في النت علشان ما يعمل لك مشكلة او يقول لك انا بفهم اكثر منهم انت كلميه على اساس ان الفكرة من عندك وانك حابة تجربي طريقة تانية مع الولد عشان ينصلح حاله وابدأي مع الطفل بها الطريقة الحب والحنان والكلام الحلو والمكافئات والهدايا الي لازم تعطيهم ياها دائما وبكل وقت الا عندما يبدأ بعمل امشاكل احرميه منها وورجيه انك زعلتي منه ...... انتي قلتي بيتعمد يعمل هالمشاكل عشان ينضرب اذن لا تضربوه لما بيعملها .... واعتقد ان في البداية حتى لو ورجيتيه انك زعلتي منه ما رح يتاثر لانه والله اعلم ماعاد يهتم لكم يعني ما بهمه رضيتو عنه او لا ......لكن ان شاء الله بعد مدة من معامتكم له باسوب حلو وكلامكم الحلو الدائم له ......رح تعجبه هالمعاملة ورح يفتقدها لما بتزعلي منه فحيوقف عناد ومشاكسة وبعدين حطي في بالك انه لسا طفل يعني طبيعي يشاكس شوي ويتشاقى ويعمل مشاكل ...لا تعامليه على انه لازم يكون ملاك او كانه رجل كبير وعاقل وتجاهلي الامور التافهة لا تعاقبيه على كل صغير وكبيرة .... عاقبيه فقط اذا كان الموضوع عن جد كبير ويستحق المعاقبة "واقصد بعاقبيه يعني ورجيه انك زعلتي منه فقط لا ضرب ولا فلكة ............ فقط توقفي عن مدحه وتوجيه الكلام الحلو له واتذكري اختي اولا هذا طفلك ما جيبتيه بالساهل وحملتيه في بطنك 9 اشهر ....رققي قلبك ناحيته حتى لو كنتي معصبة منه ......... و اتذكري في الحديث من يظلهم الله في ظله يوم لا ظل الا ظله "ولد صالح يدعو له" ...ألا تريدين ان يكون ابنك صالحا ليدعو لك .......الا يكفي هذا الامر لتهدأي وتعامليه جيدا واهم شي اتذكري انكم محاسبين على تربيته ورح تسألوا عنها يوم القيامة ........فخافوا الله في ولدكم وغيروا معاملتكم له .........وحطوا في بالكم ان مدة التغير والتحسن من جهة الطفل ممكن تطول ......لكن في النهاية بيبقى هو طفل وبيبقى الحق عليكم لانكم اتبعتم هذا الاسلوب معه من البداية وحرمتوه من الشعور بانه طفل كغيره من الاطفال له اب وام بيخافوا عليه وبيحبوه وحرمتوه من يكون عنده ذكريات طفوله حلوة ....يتذكركم فيها لما يكبر وبيني وبينك انا براي ان الموضوع صار خطير وان من الافضل لو تتصلوا بطبيب اطفال نفساني او بمشرف اجتماعي وتحكوا له كل شي بالتفاصيل عشان يتابع معكم موضوع ابنكم ...... قبل ما يفوت الاوان ويضيع منكم الولد الله يعينكم ويصلحكم ويعننا واياكم على التربية الصحيحة الي ترضي رب العالمين عنا

اختي الله يهديك عمره 9 سنين لساه طفل ........يمكن انتو معتبرينه صار كبير ......... بس هو لسا...