الفهيتا .... Fajita

السلام عليكم ......



مقدمة :

هذي الطريقة للفهيتا الأصلية وليست تأليف أو محاولة تقليد، طبعا هذي طريقة فاهيتا اللحم بس من الممكن تستبدل بدجاج أو ربيان ولكن عند إستبدال الربيان لا تتبلين الروبيان أكثر من نصف ساعة.

السر في الفهيتا هو إختيار قطعة اللحم المناسبة هذا هو السر ببساطه يعني مو أي ستيك راح يعطي نفس النتايج ، الحلو في الموضوع إن الستيك حق الفهيتا أرخص أنواع الستيك ، بس نصيحة لو جيتوا تجربون الطريقة لازم تستخدمون نوع الستيك اللي مذكور في الطريقة. لا تستخدمون أنواع ستيك ثانية وبعدين تقولون لعبت علينا طعمه موب نفس اللي في المطاعم .:D:06:


القطعة اللي راح نستخدمها إسمها Skirt Steak أو ستيك التنورة طبعا أمزح يعني مالها داعي تروحين عند اللحام تقولين عطني ستيك تنورة ؟! . طبعا ما أعرف إسم القطعة بالعربي بس دوري سوبرماركت فيها فلبيني وهو بيفهم .:cook::p:16: هذي رسمه للبقرة وهذا مكان القطعه :



اللي ملونه بالأزرق .




****** Skirt Steak Fajita ******


المقادير :

قطعة أو قطعتين ستيك من اللي فوق أو دجاج أو روبيان وزن الوحدة تقريبا ربع كيلو .

التتبيلة :


ليمونتين خضر .

ملعقتين كبار زيت زيتون

ملح

٣ ملاعق كبيرة خل تفاح

ملعقة كبيرة سكر بني

ثلاث ملاعق كبار كزبرة طازجة مفرومة

فصين ثوم مدقوقة

ملعقة صغيرة أوريجانو

ملعقة صغيرة كمون

فلفل أسود


للزينة :

٢ بصل أبيض مقطعة أجنحة

٣ فلفل بارد بعدة ألوان مقطع لشرائح

خس

صلصة مكسيكية

ساور كريم ( قشطة رائبة )

تشيدر مطحون

خبز تورتيا




الطريقة :

١ ـ أخلطي مقادير التتبيلة و بعدين حطي اللحم معاها وتبليه لمدة أقلها ساعتين في الثلاجة .

٢ـ طلعي اللحم من التتبيلة و حطيه في صحن برا الثلاجة لمدة نصف ساعة عشان يدفا اللحم .

٣ـ تبلي اللحم بملح وفلفل على الوجهين .

٤ ـ لو كان عندك مقلة حديد سوداء أو اللي يسمونه Cast Iron زي اللي في المطاعم المكسيكية فأستخدميها . بس لو ما عندك فبإستخدام شواية على الفحم أو الكهرب أشوي اللحم لدرج الإستوا اللي تبينها . لو ما عندك فمالك إلا المقلا العادية سخنيها على درجة أكثر من الوسط بشوي وحطي زيت عادي موب زيت زيتون !!! و شوحي اللحم يعني شوي زيت بس لا تتحمسين .

٥ ـ بعد ما يخلص اللحم لا تاكلينه على طول ، حطيه في صحن مغطى بقصدير مخروم لمدة ٥ دقايق عشان الموية ترجع تتوزع في اللحم مرة ثانيه .

٦ـ في مقلة ثانيه أقلي البصل و الفلفل على دفعات .

٧ـ قطعي الستيك إلى شرائح بس أنتبهي لازم تقطعين اللحم بعكس إتجاه النسيج :cook: يعني لو شفتي اللحم بتلاقين فيه خطوط صغيره لا تقطعين مع الخطوط قطعي عكس الخطوط هذا طبعا بيخلي الستيك طري وصدقوني فيه فرق .. وقدميه مع البصل و الفلفل و الزينة .


ملاحظة : لو تبغين تقدمين الفهيتا بصوت وحراكت زي المطاعم راح تحتاجين مقلة حديد Cast Iron اللي تجيك سودا وثقيلة . حطيها في فرن حار عبال ما تسوين الستيك و أول ما تحطين الستيك بتلاقين دخان وصوت وحركات . بس لو ما عندك عاااااادي طعم الستيك نفسه بس أهم شي إنك تختارين القطعة الصح .


داري أنكم تحبون الصور وهذي الصور :






ممنوع مشاركه الرجال فى هذه الاقسام