الفوارق ودورها في الحياة الزوجيه ... موضوع للنقاش !!

: *فارق السن
*مستوى التعليم
*الطبقة الاجتماعية (المادية) ::
:: هل هذه الفوارق تؤثر في نجاح او فشل الحياة الزوجية ؟؟

كل هالامور تؤثر بالتاكيد على الحياه الزوجيه "سواء نجاح او فشل " فلاتنسين ان هالامور جزء من مكونات شخصيه الانسان خصوصا التعليم من وجهه نظري مهم جدا .
من ناحيتي فقبل الزواج كانت هالامور من شروطي ومن الاشياء الي وجدتها بزوجي .ابيه جامعي مثلي وابيه بنفس مستواي الاجتماعي وابيه اكبر مني بكثير"يناسبني هالامر لاني اعتبر الشباب من جيلي بزراااان ومايفهمون ومايناسبوني " ههههههههه لو ماتوفر فيه هالشروط كان ماتزوجته هههههههههههههههههههه.
وبرأيي ان الاشياء المشتركه كالتعليم مثلا "كلانا جامعيين" ماراح يخليه يتحاشى الكلام عن الجامعه اولا لاني زييه ثانيا انامجربه الجامعه وخضت تجربتها وافهم عن ايش يتكلم .عكس اذا كان احد الاطراف اقل مستوى دراسي عن الاخر ممكن يتحاشى الكلام عشان ما يجرح شعورها او يمكن يقول لها انتي ماجربتي اللي جربت او ماتفهمين او اذا كانت الزوجه جامعيه وهو لا يمكن يجيه شعور موكويس انها تغتر بدراستها يعني الموضوع التعليم مشكله كبيره عندهم خصوصا لو عندها اولاد وتبيهم يدخلون الجامعه زيها وهو ايش بيكون شعوره .....مشاكل ....
التعليم مايسبب مشكله فقط في حاله واحده اذا الزوج كان ممن يحبون التعليم خصوصا التعليم الجامعي مع انه مب جامعي بس مشترط انه يتزوج جامعيه خصوصا اذا هو اكبر منها عشان الجامعه بتخليها اكثر وعي وعصريه"تعرفين اللبس والكشخه في الجامعه والشلل والصديقات والثقافه ..." ويصير تفكيرها مناسب لسنه مثل اخوي كان شرطه كذه .

لا بد ان نتفق في البداية ان التوافق والتكافئ في الحياة الزوجية مسالة مطلوبة
1 من حيث السن لا اعتقد ان فارقا كبيرا في السن سيكون في صالح حياة الزوجين معا وسعادتهما لابد من فرق معقول
2 من حيث التعليم ايضا التفاهم ثقافيا لا يجوز ان يكون كبيرا حتى لا تحصل قطيعة فكرية بين الزوجين
3 من الناحية المادية اتخيل ان الفوارق اذا كانت كبيرة جدا قد تخلق عقدا نفسية لاحد الطرفين
يعني في رايي خلاصة الكلام الفروق بين الزوجين يفضل ان تكون في حدود المعقول
هذا لا يمنع ان زيجات مبنية على فور قجوهرية وكبيرة واستمرت ونجحت

موضوعك قيم ومفيد والفوارق في الحياة الزوجيه لها تأثير سواء كان سلبيا او ايجابيا
بالنسبه لي فارق السن احبذ لو يكون الزوج اكبر من الزوجه الى احد اقصى بست سنوات
حتى يكون التفكير متقارب بينهما بالنسبه للمستوى التعليمي فهو مهم جدا فالافضل ان يكونا بنفس المستوى التعليمي حتى يكون هناك اتصال فكري بينهما وتقارب اكثر وفهم للحياة بشكل اكبر بالنسبه للفروق الماديه اتوقع من الافضل ان يكونا بنفس الطبقه الماديه تجنبا لخلافات عدة وعثرات كثيره وتجاهل هذه الامور افضل شكرا على موضوعك.

الفوارق اكيد لها تأثير مثل ماقلتوا ايجابي او سلبي على الحياة الزوجية.. بس من يحدد اتجاه التأثير اكيد الازواج

زوجي اصغر من بسنة يوم اتقدملي ماعنده الا الاعدادية..محد من اخوانه او بيتهم جامعي الا اخته الكبيره.. اهله الله منعم عليهم بس مايحبون بينون النعمه بخلاء يعني.. ومالهم ذكر بين الربع الا ابوه..
انا قلتلكم اكبر عنه بسنة.. جامعية.. الحمدلله اخواني كلهم جامعيين.. مستوى اهلي المعيشي اوكى والوالد الله يحفظه مايحب شي يقصر علينا.. وماشالله ذكر اهلي في كل مكان بين الناس بالطيب

بس وافقت عليه عشان شي واحد..... انه ملتزم (مطوع) وصليت استخاره والحمدلله الحين عندي ولد ومرتاحه صح المشاكل ماتخلص.. بس ارد اشوف انه يحبني وانا احبه ومقتنعين ببعض ليش انخلي الفوارق سبب للطلاق..
الدراسة وقاعد يكملها ومب مقصر علي.. ومايحب يخليني ابين محتاجه جدام اهلي..
بس صح من ناحية الدراسه اهله اول ماتزوجت كانو يحشروني درسيه ساعديه انتي جامعيه.. واتخيلوا نفس الكلام يقولوه له خل الحرمه ادرسك @@ والله استحي منه.. حتى كان يتجنبني وقت الدراسه وزعلت منه.. بس فهمت ليش بعدين لما عرفته زين..
احاول اخلي نفسي تلميذته لما يبغي يشرحلي شي في الدين او الكمبيوتر مع اني اعرف مرات الشي اللي يتكلم فيه بس استعبط عشان احسسه انه فاهم اكثر عني..والحمدلله امورنا حلوه ..طبعا مافي حياة كامله حتى لو ماكان في فوارق لازم المنغصات في الحياة الزوجية لازمه متلازمه:)

وانشالله في يوم بتشجع واطلب مشورتكم في مشاكلي مع اهله:(