:cook:
هلا بنات حياكم هذي اول مشاركه لي هنا بس الصراحه من اطيب الاكلات اللي عملتها وزوجي انهبل عليها مع العلم انو من النوع اللي صعب ارضاؤه في الاكل وذواقه ولو ما عجبه الاكل يقوم وما ياكل
نجي للمهم الطريقه ابسط من البساطه يعني على ام اجي من الشغل وانا اغير لبسي واعد 10 دقايق تكون خالصه تخيلو
المقادير :
معكرونه اسباجتي او الخاصه بالفوتو تشيني
كيس شوربة ماجي بالفطر
بصله
ثوم
صلصه
شطة تباسكو او اي شطه حسب الرغبه
ملح وفلفل اسود
زيت زيتون
كزبره خضراء مفرومه
الطريقه:
تحطي المعكرونه مع نقطة زيت وشوية ملح للسلق يعني تغمريها ماي وتسلقيها
تقطعي البصله مكعبات صغيره فرم ناعم يعني وتقلبيها على النار مع زيت الزيتون شوي زيت يعني ولما يصير لونها ذهبي تحطي عليها الثوم فص ثوم مفري او لو ما في بودرة ثوم
تقلبيهم شوي وتطفي النار
تجيبي كوب فاضي وتفتحي كيس الشوربه وتحطيه في الكوب وتضيفي عليه ماي ساخن شوي شوي مع التقليب السريع حتى ما يتكتل لغاية ما يمتلي الكوب بتلاحظيه ثقيل مره حطيه على البصل والثوم واملي نفس الكوب ماء وكبيه فوقهم مع التقليب المستمر حطي علبة صلصه -ولو ما بغيتيها حمرا بلاش الصلصه انا احبها بدون صلصه بس زوجي بصلصه -و شطة التباسكو وشوية فلفل اسود وما تحطي ملح لانها تكون مالحه من كيس الشوربه قلبيها على النار بتلاحظي انها ثقيله مره لغاية ما تبدا تغلي وطفي عليها واضيفي الكزبره المفرومه وقلبيها
صفي المعكرونه من الماء وحطيها في الصحن واضيفي فوقها الصلصه وما تخلطيها يعني على وجها وقدميها وبالهناء والشفاء
طعمها اكثر من رائع وطريقتها اكثر من سهله
ما تنسوني من تعليقاتكم
:cook:
دودو الاموره @dodo_alamorh
محررة ذهبية
يلزم عليك تسجيل الدخول أولًا لكتابة تعليق.
الصفحة الأخيرة
جاري بأذن الله التطبيق