بوادي أمريكا
طيب ليش ما اقترحتي عليهم إن الاكل الفائض يجمع و يرسل لجمعيات خيرية؟ أو لمأوى الهومليس؟
بسوريا عملوا فكرة رائعة, إسمها " حفظ النعمة"
عندهم رقم تلفون, لو عندك عزيمة مثلاً أو عرس, بتتصلي فيهم قبل المناسبة و بتعطيهم موعد انتهاء المناسبة.. بيجوا و بياخدوا الأكل الفائض و بيوزعوه على العوائل المحتاجة
و شوي شوي, صرنا نشوف مطاعم بسوريا حاطين إعلان إنهم متعاقدين مع جمعية حفظ النعمة حتى تجي الجمعية بآخر اليوم و تاخد كل الأكل الفائض
و مرة في مطعم هون بقطر صاحبه سوري عمل فكرة عبقرية
عمل بوفيه مفتوح بالمطعم بسعر رخيص جداً لا يصدق
بس بشرط واحد, ممنوع يزيد و لا حبة رز بصحنك.. يعني اسكب من البوفيه على قدك و بس.. و لو زادت حبة رز بالصحن بتدفعي أضعاف سعر البوفيه كعقاب
بس للأسف تسكر المطعم, لأن الناس ما حبت الفكرة, متعودين على التبذير استغفر الله العظيم
بس هيك فكرة ممكن تتطبق بالمدارس.. يصير في عقاب لكل طالب بيترك الأكل بالصحن.. حتى كل واحد ياكل على قده و بس
الصفحة الأخيرة
بيقطع القلب
و الله في ناس بيننا عايشين بهالطريقة
مرة جدتي كانت بترمي الزبالة جنب بيتها بالليل و شافت عيلة أم و أب و أطفالهم بيدوروا بالزبالة على أكل.. العيلة كله مساكين جايين يدوروا بالزبالة من الجوع.. لا إله إلا الله
و في واحد كل أسبوع بيجي عند جدتي بياخد منها الأكل الفائض عن حاجتها و لو خبز يابس و قديم حتى يطعم أطفاله.. و من سنين كل ما روح عند جدتي بشوفه جاية ياخد منها الأكل الزايد
طبعاً هالكلام بسوريا..
الأفظع إنو الزبال يلي بيجي بياخد الزبالة من جنب البيت جامعي.. شاب صغير بأول عمره بيدرس بالجامعة الصبح و بيشتغل زبال بالليل :(
مسكين مضطر حتى يقدر يوفر مصاريف الدراسة
بس لو الانسان يفتح عيونه بيلاقي ناس كتير محتاجين حوله.. يحسبهم الجاهل أغنياء من التعفف :(
جزاك الله خيراً على النقل المفيد