حتى انا محتاره فيه لغرف الاطفال
السيراميك صعب يطيحون وغير كذا بااااارد عليهم اذافيه نوعيه بالاسم ياليت
محتاره احط باركيه او لا

عدناااااااااااااا
زوجي مصررررر على الفينيل او القطع اللي مثل الباركيه ( عندي بالبيت ) هي مو باركيه مدري من ايش مصنوع يقول زوجي ستانلستيل خذاه من الميرو ( لاني ماكنت معاه يوم ركبه بالبيت )
حتى لمن قلت له بيت العمر ( تأثرت بكلامكم ...خخخخ خربتوني على الرجال )
قال كشخت الدور الارضي وحطيت لك بورسلان غالي
هذا الدور حق معيشتنا لنا ولعيالنا ولراحتنا مو للناس ( هو يكره السيراميك وانا بعد لي معاه مواقف سيئة ) ودايم يذكر لي بنت من قرايبنا عندها روماتيزم( طفلة بالابتدائي ) يقول انه من السيراميك وانا والله تفكيري مشوش
وللعلم الفينيل مرة غالي على 200 و100 وبها الحدود
انا مستخسرة احط هالاسعار على فينيل مدري شرايكم ؟؟
هو يقول اذا اتي مصرة على السيراميك نحطه بس على مسؤليتك ؟ مو تجين تتشكين منه بعدين
وانا والله اعرف نفسي ماحبه تعقدت منه عند اهلي عيالي كذا مرة طاحو وتفقشو عليه بس ودي اكشخ
طولت عليكم بس عشان تكون الصورة واضحة
انتو شرايكم اصر على السيراميك ولا اصير مطيعة لزوجي واحط فينيل

خلك على راي زوجك ولكبروا العيال حطوا سراميك .. شوفي الاجانب بيوتهم مفروشة موكيت اهم شي الراحة البيت للراحة وانا اختك حطي باركية او الفينيل كلها مريحة وماتبرد ولا تاثر في رجول الصغار ..

شكرا اختي سحاب
والله اناكان هذا رايي بالاول خاصة انه البيت دورين يعني عندنا فرصة اكثر من اللي ساكنة بشقة تحت نحط شي للضيوف والناس وفوق لنا ولراحتنا
بس بنات المنتدى خربوني .......... خخخخخخخخخ
مو بس بالمنتدى يقولون حرام بيت العمر ليش فينيل
والله اشوفه حلو شكله اساسا يعجبني الاستايل الخشبي
بسس مترددة

اخت زوجي بيتها فخخم مرة الدور الارضي بورسلان ودلع للضيوف
وفوق موكيت عشان المنطقة اللي ساكنين فيها برد
صراحة تشجعت لمن شفتها

انابيتي كله سراميك حتى غرف النوم صح حلو وتبان فيه النظافه بس يازين الموكيت ونا من رايي امشي مع راي زوجك لاتخالفيه لانه هو اعرف